疫下企業怎樣可以支援員工精神健康？

返工大壓力，有時做到個人wing wing哋，真係精神健康都有問題。再加上疫情影響，員工心理健康變得更加重要！有研究指出超過八成嘅職場人士遇到過各種心理健康問題嘅侵擾，當中前三位嘅心理健康問題症狀為：煩躁、焦慮、抑鬱。所以最近都有越嚟越多企業將員工心理健康納入到常規工作當中，希望可以改善員工身心健康。

而最近美國一間體驗管理公司Qualtrics喺2022年5月訪問咗1,038位18歲或以上、從事不同行業嘅香港全職或兼職僱員，希望可以了解僱員對工作嘅意向，同埋佢哋嘅需求同期望。

調查結果顯示，超過七成（71%）僱員表示工作係影響他們精神健康嘅主要原因。遙距辦公模式喺過去兩年疫情期間被廣泛應用，但都有近四分之一（22%）受訪者表示呢種工作模式對他們產生負面影響。

相比完全遙距辦公，混合或靈活工作模式似乎係更好選擇。近半受訪者（48%）認為靈活嘅定義係可以控制自己工作時間、可以決定工作日（17%）或者可以自由喺任何地點工作（17%）、同可以以結果而非工時來衡量工作表現（11%）。

大多數香港受訪者傾向自行決定工作時間或天數（58%）、按需要放假（54%）、按預定時間工作（42%）、喺任何地點工作（41%）、同埋可以喺工作日期間處理私人事（27%）。提供更多有薪假期也是留住人才的關鍵因素之一。

香港僱員認為僱主可採取的方法包括：

推行四天工作週（61%）；

彈性工作時間（40%）；

舉辦全公司參與的精神健康日（34%）或精神健康週（32%）；

提供精神健康資源，例如現場諮詢（21%）。

除咗現場諮詢，喺內地，中國聯通就試過用“線上家訪”，每日透過視頻方式同員工同家屬見面，及時了解員工同家人生活和健康狀況，消除不必要嘅恐慌情緒，確保員工同佢屋企人精神健康穩定。而中煤集團就試過成立線上心理健康服務微信群，除咗會定時分享疫情期間心理健康知識，員工同家屬都可以喺群入面做心理諮詢，或者同心理諮詢師進行一對一心理輔導。

除此之外，企業都可以迎合疫情轉變做出反應，滿足員工不斷變化的需求。Censuswide曾經喺 2021年7月至8月進行「戶戶送職場版調查」，期間訪問咗超過1,000位受訪者，了解吓疫情之下員工對公司福利睇法有咩改變。當中了解到大部分受訪員工除咗希望持續靈活工作，仲有近九成受訪員工表示希望公司提供每日膳食津貼。除咗津貼，有43%員工期望額外獲得一日年假做獎勵，34%員工就希望有外賣同生活百貨禮品卡或者電子禮品卡。

睇嚟除咗安排員工彈性工作，提供精神健康資源，安排一啲年假或者膳食津貼，都可以減輕員工壓力嘅！～

資料來源：HumanResourcesOnline.net 及 Deloitte.com