新聞類別

熱門標籤

MSS全策顧問   全民就業   哈囉好工網   外僱   招聘活動   澳門大學   飲食業

最新新聞

新聞內容

對份工講「我愛你」真係咁難？即睇5招【激發工作熱誠】

  • 2020-03-03

2020.3.2• 周一

導讀：你愛你嘅工作嗎？每日起身返工，你都係充滿動力？定係覺得工作只不過係喺公司每日耗8個鐘然後等月尾出糧？今期《哈囉好工週刊》會有讀者分享佢哋對自己份工嘅睇法，工作對佢哋嘅意義究竟係咩？一齊睇吓啦！

 

▶你愛你份工作嗎？

57% 呢個用詞太誇張
24% 愛
19% 唔愛

▶ 咁你鐘意你份工作嗎？
44% 鐘意27% 冇咩感覺14% 唔鐘意

9% 非常鐘意

6%非常唔鐘意

0

▶你認為你對而家份工作係咪充滿熱誠？

70% 非常熱情
19% 冇熱誠
11% 唔知道

▶ 點解你對而家份工作充滿熱誠？
52% 工作內容啱心水
48% 工作畀到我滿足感同成功感
36% 工資福利都唔錯

34% 同事關係好，返工好開心

23% 而家嘅上司/老闆對我好

17% 喺公司做咗好多年，有深厚感情

▶ 點解你對而家份工作冇熱誠？
46% 付出同回報唔成正比 38% 只求安穩過日子，得過且過就好36% 目前份工冇乜前途

28% 公司是非太多，顧忌太多

21% 工資同福利都好差

10% 唔鐘意呢間公司嘅文化

 

受訪打工仔當中，70%對自己嘅工作充滿熱誠，結果值得慶幸，合適嘅工作會為你帶嚟滿足感同成功感。當然你愛唔愛份工可以講係好主觀，有29%嘅受訪者表示唔鐘意自己份工。唔鐘意份工會唔會影響你嘅工作表現？不妨睇吓後面嘅受訪結果。

 

打工仔認為工作熱誠度嘅重要性

▶ 你認為你對而家份工作係咪充滿熱誠？
56% 重要
22% 一般
12% 唔重要

8% 非常重要

2% 非常唔重要

▶ 打工仔對份工有冇熱誠其實會有乜嘢分別？
33% 唔介意工作需要幾多時間，只會計較結果滿唔滿意
23% 注重工作質量而唔只係「交差」
19% 以自己嘅工作為榮而唔係經常埋怨工作

14% 好少有唔想返工嘅想法

11% 升職加薪唔係主要推動力

 

大部分打工仔都認為對工作有熱誠係好重要。要判斷你係咪熱愛自己份工，不妨留意下自己有冇以下嘅特徵。特徵越多，就證明你真係好鍾意自己份工啦！

 

▶ 10種熱愛自己份工嘅表現

1 會學習同事嘅成功同避免重犯佢哋嘅過失
2 會諗「我一定可以做到」而唔係「我盡量」
3 渴望返工，唔會有理由阻止你返工

4 着重團隊合作解決問題，唔會沉醉於自己嘅主意有幾好

5 唔介意工作多少，多工作只代表上司嘅信任

6 經常諗方法點樣做好份工

7 非常着重自己嘅工作品質

8 工作嗰陣好少睇鐘，甚至連廁所都唔記得去

9 就算工作內容一樣都嘗試搵出最好辦法做好份工

10 積極向上司提出改善方法

 

工作會係打工仔嘅人生目標？

▶ 你目前嘅人生目標係咩？
31% 照顧好自己嘅家庭
25% 事業有成
17% 有車有樓

15% 結婚成家

12% 照顧好父母

▶ 工作可以滿足你嘅人生目標嗎？
62% 可以
30% 唔知道
8% 唔可以

▶ 要長期從事呢份工作，你認為需要對工作有熱誠嗎？
50% 需要
29% 唔需要
21% 唔知道

 

按照打工仔所選擇嘅人生目標，其實大部份都需要金錢去支撐。金錢嘅來源往往就係嚟自你份工作。你而家唔鐘意你份工其實唔緊要，但係你應該要有一個目標，設一個期限入你心目中嘅公司或者你想做到嘅位置。如果唔係你嘅目標就只會係你嘅夢想，遙遠無期！

 

「我愛我嘅工作」嘅重要性

▶ 如果你身邊嘅同事對工作冇熱誠，你會唔會受佢影響？
41%  會
38% 唔會
21% 唔知道

▶ 你認為你嘅上司對工作有冇熱誠？
67% 有
23% 唔知道
10% 冇

▶ 你認為上司對工作有熱誠重唔重要？
67% 重要
15% 一般
8% 非常重要

8% 唔重要

2% 非常唔重要

▶ 你認為你嘅同事對工作有冇熱誠？
42% 有
30% 唔知道
28% 冇

▶ 你認為同事對工作充滿熱誠重唔重要？
49% 重要
34% 一般
13% 唔重要

2% 非常重要

2% 非常唔重要

 

熱誠固然要有，其實仲有好多因素可以令你做好份工。你嘅家人、愛人都可以成為你嘅奮鬥目標。千其唔好用工作熱誠作為藉口去阻止自己爬得更高！

 

打工仔嘅轉工考量

▶ 你今年會唔會考慮轉工？
47%  唔會
46% 唔知道
7% 會

▶ 點解你會考慮轉工？
TOP1 唔鐘意個工作性質
TOP2 欠缺晉升機會
TOP3 薪金低於市場

TOP4 同同事關係差

TOP5 要經常加班

▶ 點解你唔會考慮轉工？
TOP1 經濟唔穩定，唔適合轉工
TOP2 工作內容適合自己
TOP3 累積更多經驗

TOP4 入職冇幾耐，離職影響職涯發展

TOP5 家人反對換工

 

從受訪結果顯示，唔鍾意份工嘅工作性質會係打工仔最大嘅轉工因素。其實工作性質喜好需要較長時間探討，當你唔鍾意你工作嘅某一部份，好大機會來自你對工作嘅唔熟悉，怕去接受一啲你未知或者唔擅長嘅範疇。嘗試解決呢啲難題，或者呢份工會變成你最鍾意嘅工作，而且你會喺努力過後變成一個全能嘅打工仔！

 

「我愛我嘅工作」嘅意義

▶ 你認為工作喺人生中係咪佔咗好重地位？
47% 係
20% 還好
17% 唔係

16% 唔清楚，冇諗過

▶ 你認為打工仔對工作有熱誠係常態嗎？ 
39% 係
34% 唔係
27% 唔知道

▶ 點樣可以令你對工作有熱誠？
41%公司尊重自己嘅感受
39%可以畀我表現到個人價值
37%工作內容啱心水

30%不斷提供學習機會

29%豐厚嘅工資福利

25%同同事相處開心

 

正如受訪結果，打工仔對工作有熱誠絕對唔係常態，要自身同公司共同建立先可以有好嘅結果。如果係自身問題，要點樣先可以激起自己嘅工作熱情？希望睇完以下5點可以對你有所啟發。

 

5個激發工作熱情嘅方法

1 尋找人生目標，追尋夢想

好多人對工作冇熱情就係因為冇為人生作出規劃，渾渾噩噩又過一日嘅心態。及早確立目標，趁早規劃，唔單只工作，對你嘅生活都會更有衝勁！

2 創造成就感，發揮最大價值

工作過程有各種唔同嘅挑戰，只係你願唔願意接納同應對。保持正面思考，向難題進發，身邊嘅人自然會欣賞同了解你嘅價值。

3 適度放鬆身心，力量更大

太過忙碌嘅工作、過多嘅緊張、壓力同負能量都好容易令你諗埋一邊。適當去做一啲舒緩身心嘅活動，可以令你工作得開心啲，工作能力都會更好。

4 勇於改變，發掘新樂趣

就算工作日日如是，同唔同同事合作，都可以產生唔同嘅火花。期待未知嘅樂趣，遇到問題勇於改變，冇幾耐你會發現自己嘅進步同改變，同時你都可以喺工作入面搵到更多嘅樂趣。

5 找回初衷，喚醒熱情

喺工作入面遇到困難甚至瓶頸，嘗試諗下自己當初點解要揀呢份工。嘗試回憶起當初最單純嘅原因，或者可以喚醒一啲已經被時間同疲憊帶走嘅熱情。

結語

   好多人都會話工作都只不過係工作，講乜嘢熱誠？《哈囉好工週刊》就認為其實所謂對工作嘅熱誠就係你可以做好自己嘅本分，持續不斷地提升自己。當你睇到自己嘅努力成果嗰陣自然會有成功感，然後繼續為自己嘅工作努力，從而轉化成對工作嘅熱誠。希望你可以喺今期嘅分享當中有所得著！

  查閱更多《哈囉好工週刊》內容：http://weekly.hello-jobs.com/

返回