2019.12.16• 周一
導讀：澳門近十年有很大的改變，經濟發展日益進步，出了生活更富裕之外，亦帶來了很多工作機會，然而，這些發展卻令人以前原有的生活漸漸消失。今期《哈囉好工週刊》會有打工仔分享他們最懷念的舊澳門，一齊聽聽他們懷念的和你又甚麼不一樣吧！
澳門變遷背景
1962年，澳門旅遊娛樂有限公司取得博彩專營權，從此展開其長達40年的幸運博彩專營事業。澳門特區政府在舊賭約到期之際，於2002年2月競投開標，澳博、永利和銀河三家公司獲發博彩經營權牌照牌照。這就是通常所謂的「賭權開放」或者博彩業開放。博彩業開放，從產業組織的角度來看，實際上是由一家企業變成了一個市場。其後，獲得博彩經營權牌照的三家公司又以「轉批」的方式，發出三張博彩經營權牌照（副牌），三家持牌公司衍變成了六家。過去是一家專營，現在是百花齊放。
0
你認為澳門在賭權開放前後變化大嗎？
66% 大
20% 很大
10% 小
4% 沒有變化
0
和舊澳門相比，你認為現時澳門最大的變化是甚麼？
33% 物價/樓價變化
25% 居民收入變化
24% 居民生活節奏變化
15% 交通情況變化
12% 人與人之間的人情味變
你認為澳門這些變化是正面還是負面？
49% 正面
33% 負面
18% 不知道
你認為澳門的變化是正面的原因是:
33% 就業機會增多，不擔心失業
28% 賭場酒店數量增多，多了娛樂休閒地方
24% 治安穩定，給居民生活有安全保障
16% 政府福利越來越多和完善
62% 物價越來越貴，生活負擔重了50% 樓價節節上升，就算不吃不喝也買不到樓
37% 交通情況差，道路擁擠
25% 生活節奏越來越急速，生活越來越緊張
19% 人口密度大，很擁擠
十年人事幾番新，用這句話來形容澳門最為貼切不過。大部份的受訪打工仔都認為澳門在賭權開放前後有很大的變化，他們認為物價通脹對他們的影響最大。慶幸的是，受訪者都保持正面態度，因賭場開放，為他們的生活水平帶來改善。縱使如此，相信不少澳門人都會掛念舊時的澳門環境，看看我們後邊讀者分享吧！
澳門人心聲
在賭權開放，更多博企在澳門成立之前，澳門過著寧靜漁港小鎮的歲月。當時的澳門和現今的澳門有著許多不同和相似之處。在以下訪問中，我們訪問了一些土生土長澳門人的心聲，希望你從以下的分享中獲得共鳴。
行業：公務員 職位：基層職員 性別：男性 年齡：45 – 54 歲
最懷念以前澳門嘅寧靜。以前澳門人少少，度度都好靜，去邊度都覺得好安靜好舒服。但隨著經濟發展，澳門越來越興旺。因為我係住喺旅遊區，日日返屋企都攀山涉水咁。每逢星期日都可以被樓下嘅噪音嘈醒。唔係話澳門城市化唔好，但我覺得除咗努力發展，都要照顧下市民嘅意見。其實好唔開心自己鍾意嘅路環變到而家咁，冇咗以前嗰種漁村嘅風味，希望我百年歸老之前，澳門唔好所有嘢都咁城市化就好啦，好懷念澳門回歸前純樸嘅味道。
澳門人依然咁努力，努力為自己未來，為自己家庭奮鬥。
你喜歡當時的澳門還是現時的澳門？
當時，因為而家真係太嘈，嘈到訓唔到。
行業：行政/辦公室助理職位：基層職員性別：女性年齡：55 – 64 歲
雖然知道樓價物價冇可能會停滯不前，但都好懷念以前腳踏實地，辛苦下就上到樓嘅日子。賭權開咗之後，啲樓價就貴咗好多，以前你努力啲都起碼上到樓，但宜家唔食唔洗唔穿都上唔到樓，乜都加晒價，但係人工升幅永遠追唔上樓價，誇張啲連物價都追唔上，其實自己仲未接受到食個飯都會可能去到$100。唉，可憐見到個仔咁勤力讀書，按返比例都係同我以前差唔多，但係自己根本零學歷，所以而家呢代嘅後生仔都好辛苦，富二代就另計啦。
澳門人嘅人情味！之前颱風有個男人游蝶式救人嗰一幕好深刻，希望大家都繼續保持呢顆心。
你喜歡當時的澳門還是現時的澳門？
當時嘅澳門，起碼可以上度樓，安居樂業。最多就冇咁多消遣，同去少啲旅行啫。
行業：酒店營運職位：基層職員性別：男性年齡：35 – 44 歲
我最懷念以前光污染冇咁嚴重嗰陣嘅澳門，雖然對比而家嗰陣更加冇娛樂。但其實嗰陣我哋都冇咩呢啲要求，冇比較冇傷害。嗰陣識女仔，去到路環呢啲山旮旯嘅地方，不知幾浪漫。最後去到黑沙海灘漫步，嗰陣黑沙仲係冇乜垃圾，約女仔坐喺啲沙度，慢慢睇星星傾計，係而家無論畀幾多錢都買唔番嘅嘢。而家個天就算係夜晚都好光，全部都係啲大廈同賭場嘅射燈，真係好懷念以前冇乜人嘅街道同埋可以見到好多星星嘅夜空。你認為當時的澳門和現今的澳門有甚麼相似之處？其實澳門人都係比較善良，從幾次颱風之後就明白。澳門嘅善良同人情味冇變，依然都善良，熱心。
你喜歡當時的澳門還是現時的澳門？
當時嘅澳門，感覺舒服啲，冇咁多人仲可以上到樓。
化名：美美
行業：酒店營運職位：基層職員性別：女性年齡：45 – 54 歲
我諗我意見應該同其他人幾唔同，我最懷念，係以前嘅交通狀況。隨著社會發展同收入上升，越嚟越多澳門人買私家車。所以，條馬路越嚟越多車。你諗住開車同屋企人去飲茶，你搵到車位嗰陣，屋企人都應該差唔多食完。想搭巴士，但係又亂又迫，屋企老人家都80幾歲，撞一撞都唔得，你叫我哋點搭。以前最記得澳門雖然唔係叫路路暢通，但點都比宜家少啲塞車。以前去舊八佰伴啊，等一陣點都有位啊。同埋最重要係，以前開車，大家好禮讓，大家和氣生財，宜家好似浮躁咗，好唔禮讓，經常會發生交通事故。
都冇啦，因為覺得樣樣都變曬，其實而家嘅澳門比我感覺幾陌生。
你喜歡當時的澳門還是現時的澳門？
雖然以前嘅澳門好多嘢令我懷念，但我都鍾意宜家嘅澳門嘅。做人要進步嘅，我都希望未來嘅澳門可以發展得更好！
行業：監控/保安職位：基層職員性別：男性年齡：35 – 44 歲
我最懷念以前嘅食物味道。而家就算仲有嗰樣嘢食，好多都冇以前咁好食，咁我覺得可以話係近代嘅人煮嘢食冇咁用心。以前食嘅魚蛋有魚味，食煎蛋有蛋味。最記得就係以前最鍾意去某冰室。同自己初戀女朋友成日都去嗰度食雪糕，叫一杯兩份食，印象中嘅味道係非常好食。直到最近去食番，價錢係幾倍，但味道都難食咗幾倍。而且好多好食嘅餐廳已經執笠嘅執笠，退休嘅退休。而家澳門我淨係見到好多睇得唔食得嘅咖啡室、毫無技術嘅魚蛋檔同啲糖分爆錶嘅飲料連鎖店。好食嘅小店同餐廳不復存在。
好彩政府仲有保留啲葡國特色嘅建築，其實澳門係好靚，好多謝政府係不斷發展賭博業嘅同時，都仲有努力保留澳門嘅原有特色。
你喜歡當時的澳門還是現時的澳門？
我喜歡當時嘅澳門。當時嘅澳門好多美食，但好多已經光榮結業，食唔返，好想回到當時嘅澳門，食多次當時嘅美食。
行業：批發及零售職位：基層職員性別：女性年齡：25 – 34 歲
懷念以前啲店舖，有好多林林總總嘅士多舖，乜嘢零食玩具都有得賣。記得以前放學成班女仔一齊放學去士多舖睇嘢。以前啲零用錢唔多，一日一蚊，今日有錢買貼紙，就冇得買冰條，不過我記得嗰陣時就算冇得買，去到士多已經好開心。但對比而家，士多冇晒，得返大型超市同埋金舖，再唔係就係藥房，感覺種類非常單一，去邊一區都係得嗰幾樣嘢，而且價錢仲要好貴，上淘寶好過。而且最重要係我覺得冇咗以前大家去士多舖嗰種尋寶嘅快樂。
只可以慶幸有啲小食店老闆仲未退休，過多幾年佢哋退埋休真係諗唔到有咩地方相同啦。
你喜歡當時的澳門還是現時的澳門？
答唔出，各有各好啦，以前嘅文化套落而家到都唔work啦，冇話對與錯嘅。
55% 懷念
23% 不懷念
22% 不知道
0
你最懷念哪個部份？
43% 街道寧靜，人不多
28% 交通暢順
26% 便宜的樓價/物價
16% 懷舊食店/零食
14% 濃厚人情味
0
你以前有沒有想過澳門有今時今日的變化？
64% 沒有
20% 有
16% 從來沒有
0
如果可以選擇，你最想澳門的哪方面可以變化不大？
31% 生活壓力
26% 人情味
19% 生活節奏
13% 街邊小吃的味道
11% 具有葡國風格的建築和街道
0
你對未來的澳門有甚麼憧憬？
41% 人人工資高，福利好
38% 經濟多元化發展，不僅博彩和旅遊業繁榮興旺，其他行業也蓬勃發展
29% 風土人情繼續純樸和簡單
24% 社會治安好，國泰民安
16% 環境越來越好，有良好生活質量
0
過半數的受訪打工仔都非常懷念賭權開放前的澳門。其實城市發展是每一個地方都要面對的，而發展換來的總是舊物的改換。所以好好珍惜身邊的所有事物，就好像讀者所想念的舊食店，你可以保持着你的思念，與此同時也珍惜現有的，不然一味埋怨現在，你可能錯失的會更多。
0
結語
澳門隨著經濟的增長，很多地方和建築都在新的城市規劃之中被取而代之。然而，舊澳門的情懷仍然保留在我們心中，陪伴我們的成長，特別是澳門人都保留了這個小城獨有的人情味，大家互相照顧和關懷，成就了一個如此獨特的澳門。希望你可以在今期的分享中有所得著！
查閱更多《哈囉好工週刊》內容：http://weekly.hello-jobs.com/
返回 