新聞內容 
《爸爸是我的英雄》父親節快樂︱6月10號哈囉好工週刊火熱登場
- 2019-06-12
- https://mp.weixin.qq.com/s/ekwc1ciU-9U66e_XuL7pcA
2019.6.10 • 周一
導讀：說到恩，莫大於父母養育之恩。每個人的生命都來自父母，世上最難報答的就是父母的生育之恩、養育之情。故我們應該感謝父母給自己生命及負擔起家庭、養育的責任、並努力確保您的家人獲得穩定的財務支持。適逢父親節將至，今期《哈囉好工週刊》會和大家分享一些在職爸爸的感人故事。
作為在職爸爸，你覺得應該工作為先，還是小孩為先？
55% 的爸爸覺得一樣重要
43% 的爸爸覺得小孩為先
2% 的爸爸覺得工作為先
0
哪一個是最難去平衡的？
53% 的爸爸覺得是孩子
34% 的爸爸覺得是妻子
8% 的爸爸覺得是岳父/母
5% 的爸爸覺得是父母
0
你在平衡工作和家庭會感到困難嗎？
86% 的爸爸覺得会
14% 的爸爸覺得不会
從受訪結果我們可以看到澳門街的在職爸爸其實都很大壓力。98%的受訪在職爸爸都認為小孩比工作重要，而且他們都會在工作家庭兩者之間取得平衡感到壓力。在職爸爸擔當的角色絕對不會比母親輕鬆！
如果可以選擇，你會想做全職爸爸嗎？
70% 的爸爸想做全職爸爸
23% 的爸爸不想做全職爸爸
7% 的爸爸沒有想過
0
我會想留在家中做全職爸爸，因為︰
95% 有時間照顧小孩和培養感情
71% 跟妻子感情會比較好
51% 從工作中得到休息
33% 可以追求自己的興趣和愛好
27% 我的父母不用照顧我的小孩
17% 我的外父母不用照顧我的小孩
5% 我的小孩有成長的問題出現
0
我不會想留在家中做全職爸爸，因為︰
94% 我需要收入去支撐我的家庭經濟環境
35% 我可以平衡工作並同時做好爸爸的角色
12% 我是男人，一家之主。一定是我出去工作賺錢
6% 我的工作生涯十分順利，不能浪費
3% 我的小孩被父母親或外父母照顧得很好
爸爸經常給人一種錯覺，就是不太理會自己的小朋友。但從受訪結果來看，其實很多在職爸爸也想留在家中陪伴小朋友的，奈何爸爸往往都是家庭的經濟支柱，要完全抽身照顧小朋友實在不容易！
你的爸爸給你的感覺是怎樣？是沉默寡言，不善於表達，還是嚴詞厲語，總是說一些不招人喜歡的道理？其實很多爸爸都總是把他們最深厚的愛藏在心裏面。也許他們不會用明顯方式表達，但骨子裏爸爸們都會很愛自己的小朋友。以下我們將分享讀者們的感人故事，不論你是為人父母，還是為人子女，都希望你看看以下故事，好好了解父親對子女的愛。
化名：Max
行業：會議展覽
職位：中層管理者
性別：男性
年齡：45 – 54歲
我哋呢一輩嘅人，無論物資生活都改善咗好多。好多人都唔會明白我哋以前父母有幾辛苦、有幾捱得，為咗子女可以付出幾多。阿爺阿嫲喺阿爸好細個嗰陣就過咗身，剩低就係一隻玉戒指。唔洗諗都知道呢隻戒指有幾重要。當時我20出頭人工好低，但慶幸搵到我嘅結婚對象，當我帶佢返屋企見家長嘅時候，一直都係租緊屋住嘅阿爸二話不說直接將佢成副身家畀我買屋，連隻戒指都賣埋。佢淨係希望我可以建立一個健康快樂嘅家庭，叫我記住錢財只係身外物。所以我而家見到有啲同屋企人有金錢糾紛嘅案件，都會有啲唔開心，希望大家都會知道自己能夠健康長大要感激邊個。
0
化名：Tony
行業：廣告/傳媒
職位：基層職員
性別：男性
年齡：25 – 34歲
我讀中學嗰陣我爸爸因為一場電單車禍導致佢身體行動唔方便。佢本來做司機嘅，但因為呢場意外搞到我爸爸失去咗做司機嘅工作能力。當時發生咗呢件事，我知道爸爸完全接受唔到，精神仲好崩潰。但係佢為咗照顧我同唔想令屋企人擔心。佢由出院之後就開始學煮嘢食，每日朝早都會慢慢行去街市，買完返屋企再到樓下做兼職，我哋差唔多返到屋企，佢就開始準備晚飯。其實呢件事我一直都好感動，爸爸為咗我哋竟然會入廚房，到而家整嘢食可以話係超級好食。其實到我而家出咗嚟做嘢，我都好少會出去食飯，因為一嚟唔想浪費爸爸嘅心意，二嚟爸爸年紀都大了，我想用更加多嘅時間去陪佢。
0
化名：William
行業：資訊科技
職位：基層職員
性別：男性
年齡：35 – 44歲
而家大個咗同屋企人傾多咗計，先越嚟越清楚自己爸爸有幾偉大。以前對爸爸嘅印象就係好惡好乞人憎。只要佢覺得我唔乖唔溫習就會打我手板，所以直到大學畢業前都好少同爸爸講嘢。直到自己結婚生小朋友，爸爸教我點湊小朋友，我先知道原來嗰陣佢係同媽媽夾埋，佢寧願自己做醜人，媽媽負責做好人。目的只係希望我可以好好努力讀書，將來唔怕冇錢。其實父愛同母愛一樣咁偉大，我諗天下間嘅爸爸都愛自己仔女，只不過相對嚟講佢哋唔會用太明顯嘅方式嚟表達，只能怪自己太大個先明白。
化名：Mario
行業：建築及工程
職位：基層職員
性別：男性
年齡：25 – 34歲
我好細過嘅時候我媽就跟其他男人走咗，一直以嚟都係老竇自己一個湊大我。咁我哋本身屋企都冇錢，再加上嗰陣經濟都唔好。但係老竇為咗畀一個好嘅成長環境我，佢每日都打兩份工，其中一份仲要係做地盤。但係直到而家我都冇聽過老竇有任何一句怨言，甚至一句辛苦。雖然佢平時唔多出聲，但係我完全可以肯定佢比任何一個人都更加愛我。為咗效法我老竇，我而家都係做緊呢個行業。老竇我希望你知道我係好愛你，希望你睇到。
0
化名：Joyce
行業：地產
職位：基層職員
性別：女性
年齡：25 – 34歲
爸爸由細到大都對我寵愛有加。我都好慶幸自己由細到大都一直咁幸福。姑媽同我講，媽媽喺我一出世嘅時候就過身。當時爸爸唔開心到想自殺，想將我交畀姑媽。但最後爸爸都冇放棄我，一直照顧我到而家。爸爸其實佢性格好搞笑，乜都擔心我但係又唔夠膽出聲。記得初中第一次拍拖分手嗰陣喊咗好耐，爸爸嗰陣超擔心我，一直喺房間門口出邊行嚟行去，諗返起都好搞笑，我開頭都留意唔到，因為自己冇開燈，見到門底啲光一直移嚟移去，先知道爸爸一直喺出邊等。最後我仲要自己扮冇嘢走出去氹返爸爸開心，哈哈。爸爸，多謝你，我愛你。
0
化名：Otto
行業：資訊科技
職位：中層管理者
性別：男性
年齡：35 – 44歲
我好多謝我爹哋一直都咁尊重我嘅決定。爹哋自從佢開始做嘢，一直都係做同一份工，就係開雜貨鋪，由細到大基本我都係喺雜貨鋪渡過。就算雜貨鋪唔係生物，我哋都好珍惜呢間舖。到我差唔多碩士畢業，自己決定咗想留喺外國發展。我記得同屋企人講嗰陣，佢哋心情都好沉重。我哋甚至有一段時間係冷戰狀態，大家都冇打畀對方。直到同女朋友求咗婚，我認為點都要畀屋企人知道，我哋先再次傾番計。我仲提出咗一個好大膽嘅要求：叫佢哋兩老搬埋過嚟。我知道兩老一定好唔捨得間舖，都覺得自己好自私，因為佢哋完全唔識英文。但係，當時候我聽到爹哋好開心咁講一句：「好」。之後過咗一段時間整好哂所有嘢就過咗嚟啦。爹哋，多謝你容忍我嘅自私，同埋自己一直都估唔到，原來我喺你心目中係咁重要。多謝你。
公司可以如何幫助在職爸爸？
你認為現時公司有提供足夠的福利給在職爸爸嗎？
87% 的爸爸覺得不足夠
13% 的爸爸覺得足夠
0
公司沒有提供足夠的福利是在於：
87% 沒有給予在職父親的特別津貼
65% 不可因家庭原因在返工時間外出
33% 不可以在家辦公
20% 不可因照顧家庭而提早放工
5% 禁止帶小孩回辦公室照顧
0
公司可以做甚麼來支持在職爸爸？
80% 給予在職爸爸家庭補貼
77% 公司人事政策：提供在家辦公政策
66% 老闆/上司：如要離開數小時處理家事，可彈性處理
55% 老闆/上司：注重工作結果，不介意時間的多少
49% 同事：同事是可靠的並可以準時完成工作
27% 同事：同事可適時分擔部分工作
26% 公司人事政策：提供辦公室托兒服務
受訪結果顯然易見，有很多在職爸爸都認為現時的福利是不夠的。不難理解，一旦有任何關於兒女的問題，很多人都會往媽媽的方向想，爸爸角色很容易被忽略。老闆們，如果看到這些數據，希望你們也嘗試往爸爸的角度去想！
如果時間可以倒轉，你會想重新選擇一個不同的生活嗎 ?
58% 會，專心照顧小孩，以家庭為重
27% 不會，目前能處理在職和家庭的時間分配
15% 會，專心工作，以事業為重
爸爸們，嘗試坦率一點，讓子女了解到你們的真實感覺。其實有時候就因為你們沒有說出來，子女不清楚就會產生誤會。這樣使你們和子女有隔膜，你們又會願意嗎？趁着父親節也和子女好好談一談吧！
0
結語
隨著時間過去，父母總會老去。他們可能會漸漸地變得記性不好、行動緩慢。此時此刻，請繼續孝順父母親，因為小時候父母也是這樣耐心對待我們的。好多人都會覺得爸爸是我們永遠的避風港，因為父親總是無懼風雨，為家庭打拼，這絕對是出於愛與責任。希望各位能和你的爸爸渡過這美好的節日，《哈囉好工週刊》祝天下爸爸父親節快樂！
返回 