新聞內容 
《窈窕淑女 君子好逑》辦公室追女仔攻略︱2月11號哈囉好工週刊火熱登場
- 2019-02-11
- https://mp.weixin.qq.com/s/WiEkVtM5ZUrFM9P1Qkh0aQ
窈窕淑女君子好逑_辦公室追女仔攻略
導讀：情人節是一個令人又愛又恨的日子，對於戀愛中的男士來說，情人節是既「溫馨」又「奢侈」的節日；如果你是「單身狗」，那就更不用說，街上的情人對你來說更是一個又一個的閃光彈……今期《哈囉好工週刊》會傳授各式各樣的辦公室追女仔策略。不想被閃到？就低頭看一下今期週刊吧！
化名：幸福少奶奶
行業：餐飲
職位：基層職員
性別：女性
年齡：25－34歲
有個男同事追緊我，但佢一直都冇表白咁我都扮唔知啦。有一次我唔舒服都照返工，因為有幾份大project要趕，所以無論如何我都要返。但係做做吓真係頂唔順，又頭暈又想嘔，就喺嗰陣時佢就當住啲同事面前揹起我，帶我去睇醫生，然後同我講咗一句「咁唔識照顧自己就畀我自己照顧你啦」，我超級感動，完全估唔到佢咁大膽，我諗我成世都記得。然後等我好返佢再正式表白一次，就同咗佢一齊啦，到而家佢已經成為我嘅未婚夫。
你覺得在職場上追求異性最有效的方法是什麼？
記得去做gym，man嘅男人特別吸引。
化名：帥哥
行業：行政／辦公室助理
職位：基層職員
性別：男性
年齡：35－44歲
之前有個女仔過咗嚟實習，我哋公司本身就男多女少嘅，個女仔入到嚟算係全公司最靚，份人又好又nice。有個男同事私底下就係咁約佢去食飯；公事上就不停咁教佢要注意啲咩，如果個女仔唔識做就幫佢做埋，搞到自己OT都幫佢做。老闆見男同事咁忙仲問呢期好多嘢做咩？男同事所有嘢都默默承受。咁之後呢位女同事完咗實習後就同咗男同事一齊。
你覺得在職場上追求異性最有效的方法是什麼？
做工具人，等佢習慣依賴你就有機會啦！
化名：主角不是我
行業：廣告／傳媒
職位：基層職員
性別：男性
年齡：25－34歲
我同事係一個好識講嘢嘅男仔，佢入咗嚟一排，同我熟咗就話畀我聽佢幾鍾意我哋其中一位女同事。佢應該喺呢一方面幾在行。佢知道女同事鍾意周杰倫，明明見到佢上網收黃牛飛，但係就同女同事講佢識人有飛。見到女同事做錯嘢畀人話，佢嗰晚就主動請人地食嘢，仲要佢係記得嗰個女仔係鍾意食啲咩菜，邊一間舖。佢最利害嘅地方就係我覺得佢收放自如，唔係我坐佢隔離同埋同佢好熟，都唔會知道佢追緊佢。咁最後佢哋當然喺埋咗一齊，咁細心留意一個女仔，正常都會有好感嘅。
你覺得在職場上追求異性最有效的方法是什麼？
都係要花心思，留意佢鐘意咩，投其所好。
0
化名：最佳拍檔
行業：建築及工程
職位：助理建築師
性別：男性
年齡：25－34歲
我有個朋友兼同事，佢一直都好高調咁追我哋同一組嘅女同事。就喺情人節前一個星期，我哋班同事夾手夾腳幫佢，連經理都出動，主動叫大家情人節嗰日唔係約咗男／女朋友嘅一定要一齊食。到咗情人節嗰日，我哋出車出去食，我同經理同其他同事就去咗第二間餐廳，我朋友就車咗個女同事，去佢自己準備好嘅餐廳，順便表白。個女仔應該好感動，然後佢哋就一齊咗啦。但作為朋友兼同事，我其實認為佢太大膽，因為我哋都諗緊如果佢衰咗嘅話都唔知點算好。
你覺得在職場上追求異性最有效的方法是什麼？
我覺得都係講心，但我建議唔好學我哋，因為其實我哋做緊嘅嘢係有好大風險！
化名：娘娘
行業：行政／辦公室助理
職位：基層職員
性別：女性
年齡：25－34歲
記得上年有個女同事新入職，都算係好後生而且個樣都生得幾標緻，仲有一頭捲曲的黑色秀髮，後來更得知呢位女同事家底都幾豐厚，但係佢作風好低調。我隔嚟嗰位男同事私底下同我講對呢個女仔有啲意思，經常請個女仔食lunch啊，冬天又買埋熱朱古力，又會買暖貼，當住其他同事面前畀個女仔，其他女同事都知咩事，咁偏心……！不過佢哋最後喺埋咗一齊我都恭喜佢嘅。
你覺得在職場上追求異性最有效的方法是什麼？
只對一個人暖，對其他人冷若冰霜，應該就有機會架啦。對個個都好人哋都未必會sense到。
化名：小龍女
行業：娛樂博彩
職位：基層職員
性別：女性
年齡：25－34歲
其實男仔唔一定識口甜舌滑或者有錢先追到女仔。公司有個男同事平時唔多出聲，佢係一個非常勤力而且好有上進心嘅人，同事有咩唔識嘅問佢都會幫。佢嘅追女仔過程的確幾搞笑：佢鍾意嗰位女同事一定知佢嘅心意，因為佢一對住嗰位女同事佢塊面一定紅到成個關公咁。有一日嗰個男同事請我哋全部人食糖水，叫我哋幫手話如果嗰位女同事入pantry，大家15分鐘內唔好入去，我哋就知佢係想襯嗰陣表白，我哋其實都大吃一驚，邊有人咁追女仔㗎，好彩佢都成功咗。呢一個係我見過最奇怪嘅追女仔方式，不過佢追到就Ok啦。
你覺得在職場上追求異性最有效的方法是什麼？
唔識追女仔唔緊要，做嘢有目標、有上進心都會吸引到女同事。
化名：送禮勤
行業：娛樂博彩
職位：基層職員
性別：男性
年齡：25－34歲
我哋公司有個女同事好靚，其他同事成日都話佢似李嘉欣，咁我識嗰位男同事無意得知呢位靚女同事近排分咗手，就以為自己有機，係咁送啲好貴嘅嘢畀嗰位靚女同事啦，但靚女同事話唔要，話以後都唔好送，仲還返晒佢之前送嘅嘢，最後個靚女同事講到出晒面，話呢個男仔唔係佢鐘意嗰類型，但男同事都仲繼續死纏難打，一直送禮，最尾呢位靚女同事實在頂唔順就辭咗職。
你覺得在職場上追求異性最有效的方法是什麼？
對人好冇問題，但千祈唔好做多咗，我同事呢啲就一定衰硬，完全可以當佢係反面教材。
化名：點解唔追我
行業：金融
職位：基層職員
性別：女性
年齡：25－34歲
最近老闆個女過咗嚟，喺自己公司實習，咁班男同事見係太子女，仲唔立即爭住獻殷勤博表現。咁太子女個樣都生得唔錯，乖乖女嘅樣，嗰班男同事見太子女好似唔多鐘意出街食，個個轉晒DIY飯盒返嚟自己一個人食，仲要有意無意自稱自己煮嘢食好叻，包佢食到津津有味，日日不斷問太子女要唔要試吓自己煮嘅飯餸，諗住用誠意去打動，但最後個個都追唔到太子女。
你覺得在職場上追求異性最有效的方法是什麼？
適當追求，太頻密就變咗狗公。
0
化名：彭于晏
行業：監控／保安
職位：基層職員
性別：男性
年齡：35－44歲
我哋部門幾乎九成都係男人，非常寂寞。咁之前有個男同事，佢而家已經離咗職唔喺度做。咁佢都生得幾靚仔嘅、玉樹臨風，就係好可惜同部門冇對象。有一次佢見到隔離部門嚟咗位新女同事，聽講喺台灣嚟嘅，笑容好甜，仲有魔鬼級身材。男同事完全係一見鍾情，心心眼。後尾個男同事追咗呢位台灣女仔應該都有半年，去到後期個女仔應該知道咩事，就同佢講其實佢喺台灣已經結咗婚，有老公。最後個男同事都冇再提起件事，過咗兩個月就走咗。
你覺得在職場上追求異性最有效的方法是什麼？
先了解咗對象嘅背景，如果係結咗婚嘅就唔好嘥時間。
0
辦公室追女攻略
看過幾位讀者所分享的自身經歷和推薦方法後，
你開始有一點頭緒了嗎？
如果還在迷惘，別錯過我們以下所分享的
「追女攻略」！
0
對工作充滿上進心：
女生都會下意識的關注有社交價值的人，如果你認為自己不夠風趣幽默，唯一方法：努力工作！
建立交集：
職場關系主要以合作為主，主動幫助心儀對象，從陌生變成相熟，這樣既有交集而且她也會對你印象深刻。
工作以外的互動：
私下互動就是談工作以外的話題，要留意不要在辦公室頻繁的騷擾她，尋找她的興趣，建立更多交集，讓她覺得你們是臭味相投的。
邀約：
當你們的關系慢慢漸入佳境的時候，互動也沒有尷尬和陌生的感覺，就可以單獨約她了，期待你的成功！
最強撩妹金句
如果同公司心儀對象已經好熟，
你夠不夠膽跟她說出以下這些撩妹金句？
說出口之後大家又不怕尷尬，
那你又向成功走出一大步了！
0
1、到你我會變得好容易病，因為我對你完全冇抵抗力。
2、你估吓我嘅心喺左邊定係右邊？兩個都錯，係你嗰邊。
3、我根本冇將你放入眼內，因為你一直都喺我心入邊。
4、我可以做你嘅衣架嗎？我要掛住你。
5、你個樣生得好似我一個朋友—我未來嘅女朋友。
6、我可以畀你嘅嘢唔多，一個將來同埋一個我。
7、如果你唔怕麻煩的話，咁麻煩你同我一齊。
8、我準備結婚啦，我想請你。請你嫁畀我。
9、Saranghaeyo係咩意思？我愛你？嗯，我都愛你。
10、如果我係一隻貓，我會將我九條命都用嚟愛你。
結語
在這個充滿愛與浪漫的季節，《哈囉好工週刊》在此祝各位情人節快樂，亦希望單身的你能早日找到幸福。如果今期封面故事能助單身的你成功找到女朋友，記得要電郵
info@mss-recruitment.com跟我們說！
《哈囉好工週刊》將會在下年情人節為兩位送花祝賀～願天下有情人終成眷屬！
返回 