新聞內容 
《若要人不知，除非己莫為3》︱12月3號哈囉好工週刊火熱登場
- 2018-12-03
若要人不知，除非己莫為3
導讀：你有沒有試過一整天「頭頭碰著黑」？對很多人來說，生活中總會有倒霉的時侯。有時，那「黑仔」的程度甚至會令你有甚麼都不想理會、只想一覺睡到天光的感覺。究竟一個人倒霉起來可以有多倒霉？今期《哈囉好工週刊》會和大家分享打工仔遇過最黑仔的事，看過後你可能會覺得自己原來挺幸運的～
Bebe
性別：女性
年齡：35-44歲
行業：行政/辦公室助理
職位：基層職員
隔離Team有個同事，佢份工要輪班嘅，每次佢都會襯經理收工就提早走，而佢仲要以為冇人知。到中秋嗰日，經理見中秋返中更同事本來要凌晨12點先可以收工，就叫同事嗰日可以提早兩個鐘收工。點知嗰位同事返到嚟同經理開完會5點鐘就走咗出去，即係佢只係返咗一個鐘頭工。到8點鐘佢WeChat同更同事話因為有急事要9點先返到，等於成日唔使返工。一次就算啦，佢仲要成日都係咁，最後有同事講咗畀經理知，出咗封警告信畀佢。
阿湘
性別：女性
年齡：35-44歲
行業：餐飲
職位：基層職員
公司有時會淨低好多餸，咁會叫員工有需要就拎返去，但有一個女同事原來唔係拎剩低嘅餸，佢係叫個師傅煮啲新嘅菜畀佢。就因為佢哄得啲師傅好開心，所以師傅都會每日用公司資源幫佢做啲新嘅餸畀佢帶返屋企食。咁嗰日我哋照平時咁拎自己飯盒裝住剩低嘅餸返屋企嗰陣，經理就落咗嚟睇場，然後見到嗰個同事打包嘅公司飯盒，即時人贓並獲，經理知道發生咩事後就炒咗佢，啲師傅就
Dada姐
性別：女性
年齡：18–24歲
行業：酒店營運
職位：基層職員
公司明文規定唔畀人出去「秘撈」，點知有個男同事唔識死，就揀咗間餐廳「秘撈」，佢可能以為佢啊頭唔會去類似大排檔嘅餐廳食嘢，點知嗰日佢啊頭真係去咗佢間餐廳食嘢，撞到正一正，仲幫佢啊頭落埋單，然後我就冇再見過呢位同事啦。估計佢畀啊頭炒咗。有同事流傳話係啊頭去食飯佢唔識做人冇打折，哈哈哈。 —–—–——
Poker
性別：男性
年齡：25–34歲
行業：廣告/傳媒
職位：基層職員
有個同事話日日見客好攰，但係係人都知佢唔係見客，而係日日拎住部手機唔知去邊，然後就同主管講出去見客，但係佢咩都唔拎就去見客。咁都算數，有一日佢又要出去見客，但嗰日有個客打上嚟問佢去咗邊，原來佢真係約咗個客但無去到，然後經理問佢去咗邊，原來佢之前日日都係返咗屋企瞓覺。
冇表情
性別：男性
年齡：25–34歲
行業：餐飲
職位：基層職員
公司規定，客戶畀嘅小費唔可以自己袋，要大家公家一齊分。其實個個都好老實，攞到幾多都會照攞返出嚟畀主管統一mark數，但有個同事，偷偷地將客啲小費袋入自己袋。仲一次生兩次熟，越嚟越過份，個個同事都見到佢「咁好賺」，都紛紛將小費袋入自己袋。主管終於發現咗，集體受罰，當月嘅小費充公。不過我覺得最慘係我，因為我明明冇做過……
Ken
性別：男性
年齡：35–44歲
行業：監控/保安
職位：基層職員
隔離Team有個同事，佢份工要輪班嘅，每次佢都會襯經理收工就提早走，而佢仲要以為冇人知。到中秋嗰日，經理見中秋返中更同事本來要凌晨12點先可以收工，就叫同事嗰日可以提早兩個鐘收工。點知嗰位同事返到嚟同經理開完會5點鐘就走咗出去，即係佢只係返咗一個鐘頭工。到8點鐘佢WeChat同更同事話因為有急事要9點先返到，等於成日唔使返工。一次就算啦，佢仲要成日都係咁，最後有同事講咗畀經理知，出咗封警告信畀佢。
John
性別：男性
年齡：35–44歲
行業：餐飲
職位：行政/辦公室助理
前同事叫個兼職送文件出去，點知佢講錯咗畀個兼職知，結果送錯文件兼送錯地址，後來前同事就攞個兼職出嚟「祭旗」，之後就因為嗰份送錯嘅文件內容畀對手公司知道咗，咁佢哋就做足準備搶咗我哋個大客，事後公司先發現原來係前同事講錯先令公司無咗個大客，將前同事炒魷魚，真係人在做天在看！
小白
性別：男性
年齡：25–34歲
行業：批發及零售
職位：基層職員
準備到大節日，同事大家都準備養足精力，爭取營業額。有一位同事平時妒忌心重，佢就係節日前兩日請大家食嘢，仲要係自己親自煮嘅，咁因為係辣嘅，所以唔係有好多同事食咗，但係唯一食嗰兩個同事都肚屙返唔到工。嗰兩位同事返到嚟，兩個知道大家都肚屙之後，就走咗去同老細講。雖然最後老細冇話返嗰位同事，不過傳聞佢因為呢件事升唔到職。
心兒
性別：女性
年齡：25–34歲
行業：批發及零售
職位：基層職員
我哋做手搖店平時都會將沖錯咗嘅留畀自己飲，而有個同事成日等主管走咗，就沖杯嘢飲畀自己。佢每一次都落超多料都算啦，有一次佢放工仲沖咗成5杯嘢飲，然後無畀錢就走咗。我問佢做咩整咁多杯，佢話沖畀屋企人飲，然後就打卡走人，咁我就隻眼開隻眼閉，但後尾主管睇CCTV發現咗，就將佢炒咗，好彩嘅係主管冇追究我冇匯報畀公司聽。
亞古獸
性別：男性
年齡：25–34歲
行業：廣告/傳媒
職位：基層職員
有個女同事同老闆講佢好唔舒服要請日假，因為佢之後嗰幾日都請咗年假，咁其實大家都心照知咩事，咁就由佢啦。點知佢嗰日就喺微信發朋友圈，話日本啲嘢食好好食，咁其實公司啲同事都有佢微信，可能佢唔記得咗佢係請緊病假，搞到連老闆都喺佢個post下邊講「注重身體健康」。笑死，之後仲要畀人踢爆佢係問親戚攞醫生紙。嗰日由SL變咗NPL。
Mai
性別：女性
年齡：25–34歲
行業：批發及零售
職位：基層職員
啱啱入職嗰陣，認識咗一位女同事，咁大家都係女仔，年紀又差唔多，鐘意嘅嘢都好似，所以我哋都有傾有講，好多話題，平時都會一齊出去食中午。有一日，我諗住照舊同佢食中午，咁我哋平時返工就冇得入酒店員工餐廳食飯，要自己出去買嘢食。點知嗰日放Break，佢話佢自己買咗嘢食，叫我自己買，過咗幾分鐘後我去完洗手間出嚟，見到佢入咗去酒店員工通道，之後我打聽返嚟原來佢溝咗一個酒店員工，叫佢偷偷幫自己拍卡，同佢一齊食中午。雖然我冇踢爆佢，但最後佢都係畀酒店發現咗，我哋老細炒咗佢。
茜茜
性別：女性
年齡：25–34歲
行業：娛樂博彩
職位：基層職員
有時拎零食返去公司食，總會有啲不知明人事偷食，都算數啦，費事為咗少少嘢同人計。有一日我幫經理買餅乾，我買完就放咗喺枱面，然後就去咗開會，點知返到嚟成袋餅乾唔見晒，我搵一搵之後就見到袋餅乾喺成日偷零食嘅同事個手袋入邊露咗出嚟，我就走埋去同佢講袋餅乾點嚟，佢話自己買，然後我喺個膠袋度搵到我張信用卡Look卡嘅單，佢話食我少少野做咩咁計較，然後我話袋餅乾係經理嘅，你自己同佢解釋啦，然後佢⋯⋯就沒有然後。
Amanda
性別：女性
年齡：25–34歲
行業：資訊科技
職位：基層職員
前公司有個女同事好鐘意返工做自己嘢，基本上係一日返八個鐘得兩個鐘係做公司嘢。有次經理終於頂唔住，鬧咗佢一鑊。嗰一日爆發嘅點係，經理一早交咗份嘢畀佢做，然後佢到放工都未做完，跟住經理就捉咗佢入房照肺，問佢點解朝早交畀佢嘅文件到下晝都未做完，只係要佢改幾個地方，應該唔難啊。然後佢喊住話同事蝦佢，係咁畀嘢佢做，然後經理就搵啲同事同佢對質，最後經理發現件事唔係佢講嘅咁，炒咗佢仲要黑名單。
結語
在剛才在故事中的主角們，大多都以為沒人知道自己暗地裏做的事，殊不知卻被人看到，更分享了出來。所以，若要人不知，除非己莫為。
返回 