《辦公室爆笑記3》你今日笑咗未？︱9月24號哈囉好工週刊火熱登場

辦公室爆笑記3_你今日笑咗未？

導讀：每日笑一笑，醫生遠離我～又是時候回歸爆笑的日子，希望今期《辦公室爆笑記3》能繼續帶給你歡樂！

                                               辦公室爆笑記3

Baby C

性別：女性

年齡：25 – 34 歲

行業：娛樂博彩

職位：基層職員

我哋啲老細成日講嘢講唔停，有一次其中一個外國老細又咳又喉嚨痛，秘書留意到就準備咗杯水同粒維多C畀老細。點知轉頭就聽到老細大叫，入到房見到佢成口泡。原來佢唔知要擺落杯水到。

唔話你知

性別：男性

年齡：18 – 24 歲

行業：行政／辦公室助理

職位：基層職員

有個經理諗住打電話內線去另一個經理度訴苦水，一打通佢不斷呻老細唔人道，點樣壓榨員工。講咗一段時間個經理開始覺得有啲奇怪，點解電話入邊冇出過聲。隨後佢就聽到對方話入一入佢房。原來老細咁啱經過入咗去同嗰個經理講嘢，老細聽到電話內容好似講緊佢就叫經理開擴音。

妙麗

性別：女性

年齡：25 – 34 歲

行業：酒店營運

職位：基層職員

有位面試者想喺面試之前去個洗手間，同事教佢點行之後佢就自己行去。但係當佢去完嗰陣發現廁所門開唔到，拍極門都無人理之後佢就嘗試撞門，撞爛道門搞到啲保安走晒入嚟之後佢先發現隔離其實有個按鈕開關。

得得B

性別：男性

年齡：25 – 34 歲

行業：資訊科技

職位：基層職員

A同事成日喺B同事個位度偷嘢食。有一次B同事知道A同事食唔到辣嘢就特登滴咗幾滴死亡辣椒醬落啲薯片同佢杯咖啡度。過咗一陣佢行過去食咗一塊就辣到喺條走廊度一邊喊一邊跑，跑到去自己個位度飲咖啡之後仲嚟嗰part 2……

Gabe

性別：女性

年齡：35 – 44 歲

行業：行政／辦公室助理

職位：基層職員

我隔離位同事每日無論幾辛苦都會訓一個晏晝覺。有一次唔知佢係咪好攰，當個鍵盤係枕頭咁瞓着咗，一直訓到去同老細開會。老細行入房見到同事就當住咁多人面前問佢做乜嘢腹肌生咗上去塊面度。

Edison

性別：男性

年齡：35 – 44 歲

行業：監控／保安

職位：基層職員

有個同事喺WhatsApp度唔小心發錯咗段嘢去公司嘅群組度，打咗句「呀B，你食咗飯未呀？」，跟住公司群組全部同事連埋老細都回佢一句「未食飯呀，係咪你請？」，個同事一見到仲好驚咁係咁問其他人WhatsApp有冇回收功能。

魚蝦蟹克力架

性別：男性

年齡：25 – 34 歲

行業：建築及工程

職位：基層職員

有位同事每日一有時間就會喺個位度玩食雞，唔知佢係咪平時玩得好差定係佢嗰次第一次食雞，佢竟然喺office度大聲講咗句「食雞」，然後大家就睇住佢行去老細個位度……

膠人

性別：男性

年齡：35 – 44 歲

行業：教育

職位：基層職員

有個兼職平時好食懶做，仲成日用公司資源做自己嘢，咁我哋見未算好過分都冇出聲。有次佢應該準備考試，見佢問同學借咗一堆筆記攞返嚟公司，點知佢竟然可以擺烏龍scan晒去我老細個email度，仲要超級多封email，佢發現左之後驚嗰個樣笑死我哋，只能怪佢唔好彩咁啱同老細係同一個英文名。

呆子

性別：男性

年齡：25 – 34 歲

行業：廣告／傳媒

職位：基層職員

最近公司接到好多廣告，搞到平時有時間可以核對幾次嘅嘢都變得冇時間。到咗條片出街嗰陣，個同事尷尬度想搵窿捐，因為條片入邊見到佢冇拉褲鏈。個同事仲因為咁攞晒啲年假避風頭……

大口狗

性別：男性

年齡：25 – 34 歲

行業：旅遊服務

職位：基層職員

七夕嗰陣，我哋個同事收到花，唔知係咪佢男朋友冇送過花畀佢，佢開心到同全層嘅同事晒命。點知成件事發生唔夠10分鐘，個速遞員衝上嚟話送錯層。同事嬲到一邊喊一邊打畀佢男朋友鬧，我哋替佢男朋友無奈，躺着也中槍。

Z

性別：男性

年齡：25 – 34 歲

行業：建築及工程

職位：基層職員

有個成日好口花嘅男同事，成日行行吓路都甩鞋帶。有次佢喺度綁鞋帶，綁綁下見到有人行過，佢就望住嗰個人對鞋講：「哇！男人老狗，着對咁鬼姣嘅皮鞋？想上位呀？」本來安靜到得鍵盤聲嘅office，瞬間笑聲爆發。佢抬頭一睇，原來嗰位「咁鬼姣」嘅人就係我哋department head……

Eric

性別：男性

年齡：25 – 34 歲

行業：餐飲

職位：基層職員

又到左一年一度嘅中秋節。正常每一間公司都會送月餅畀自己嘅同事。所以我哋屋企亦都有一個傳統，邊個收到嘅月餅最貴最出名，邊個就唔使準備中秋節大餐。細佬今年最勁，老闆送咗盒香港好出名嘅月餅畀佢。正當佢開開心心坐喺度打機嗰陣，我見到佢月餅罐底貼咗張紙，寫住：「因為今年打風關係，我哋進度拖慢晒，希望你喺中秋節之前將進度趕完，中秋節快樂！」細佬睇完之後，默默地食完晚飯就返去公司，而由佢返到屋企好囂張咁串我哋到睇到張紙都只係10分鐘嘅事……

笑對身體的十大好處

1、笑能增強肺活量，使呼吸系統更順暢，還可清潔呼吸道。

2、笑能強心健腦，使大腦皮層興奮，讓腦部功能增強，更有助於減少偏頭痛的發生。

3、笑能防治疾病，緩解緊張情緒，使內心憂慮和壓力得到宣洩，使免疫力提高，從而增強防治疾病的功能。

4、笑能促進消化，讓橫膈膜、膈肌運動量增大、按摩內臟，並能夠讓更多血液流入腸胃，改善消化功能。

5、笑能增強性功能，生殖功能可以保持到高齡。

6、笑有助美容、能使皮質醇減少、減少暗瘡增生。更能幫助血液循環，運走皮膚下沉積的壞物質，改善皮膚的營養狀況。

7、笑能放鬆肌肉，大笑後肌肉會比平時更快放鬆下來。

8、笑能降低血壓，大笑促進一氧化氮釋放，使分血管壁放鬆，讓血壓回降。

9、笑能減肥，大笑1分鐘等於做了45分鐘的運動；微笑10至15分鐘可以消耗50千卡的熱量。

10、笑能止痛，大笑時神經細胞就會釋放出一種叫内啡肽物質，它是一種傳遞止痛信息的激素，而且這種止痛藥是沒有任何副作用。

結語

    覺得故事那麼快就看完，不夠過癮？如果你有更爆笑的辦公室經歷，歡迎投稿info@mss-recruitment.com與我們分享，可能下一集就有你份！

查閱更多《哈囉好工週刊》內容：http://weekly.hello-jobs.com/