星期一爆seed﹗最憎收到呢啲Email

一返到扮工室，櫈都未坐暖，就要開始Check Email，有老細嘅、客人嘅、同事嘅……

遇上唔生性嘅同事，成日Send埋啲麻煩電郵嚟，真係人都癲。特別係以下呢9種，一見就火都嚟，各位扮工友有無同感？

1. Urgent怪

有種同事係唔係都打‘Urgent’，呢頭急急腳幫佢處理好，之後先話「其實唔急嘅」，真吹脹。

有種同事打Email愛用英文大楷，附加無數個感嘆號，甚至貼心放大埋字體。成封恐嚇信咁，心血少啲都唔嚇得。

有種同事覆人好鍾意打一堆Emoji，懶可愛咁，但又覆得慢過人。阻住人收工，都唔知畀咩反應佢好。

有種同事唔愛用大腦，乜Email都揀「回覆所有人」或亂CC畀人，以為自己好醒，其實係懵柄，搞到同事成日要Check埋唔關自己事嘅郵件，OT又無補水喎。

有種同事當Email係Whatapps咁，事無大小都彈封Email過嚟。講真，有啲嘢用把口講快過寫啦。五時三刻都要記住Delete無謂Email，因為郵箱長期被塞爆。

有種同事成日打錯字，睇一封電郵，搞到要估字猜謎，浪費人地嘅寶貴時間同精神，就算係「Sent from my iPhone」都講唔過去啦。

有種同事會用私人Email扮工，但又改埋啲奇奇怪怪嘅賬戶名，見到真係唔敢亂開，怕係病毒嚟嘛。

有種同事作嘅標題好虛無，例如「Hey」、「FYR」等，令人完全摸不著頭腦。唔小心Skip咗，到時做漏嘢等照肺，真係被人銑鑊金。

有種同事以為自己係大文豪，寫Email寫到小說咁，長篇大論到呢，睇到人眼到矇，但又無重點。