打工仔要識自抬身價

人工決定一個人嘅價值，如果你見一份工嗰陣，連幫自己sell個好啲嘅價都唔識，就真係愛莫能助。

不過唔緊要，有外國網站教路，引述專業訓練公司嘅CEO Bryant Galindo話，每次見工預咗係要講數咁款，以下4招，各位打工仔袋穩啲。

1. 做足功課

了解自己嘅專長喺市場上價值幾多，仲要諗吓自己有能力幫公司賺幾多錢，同時要面對現實，如果你面試嘅只係初創公司，人工預咗唔高，但可能可以R多啲其他員工福利補番數。

2. set個合理底價

人工係買你做一份工作嘅唔情願，所以心目中一定要有一個底價，過咗幾多就一定唔do，你仲可以大膽表達吓自己過咗probation之後，想要嘅人工目標，畀人感覺你相信自己有價值。

3. 知己知彼

面試前，老闆同HR一定睇過晒你資料，起晒你底，你都不妨了解自己將會見咩人。如果見HR，我就勸你唔使點提人工，因為佢哋都冇SAY，如果係見老闆，人工叫價不妨直講，因為只要佢點頭，你就過關。

4. 動之以情

要話畀老闆知，返工開心最重要，有時間陪家人亦想多啲陪家人，等老闆有個心理準備配合你，你知啦，OT同扣人工係冇分別的，秒秒鐘都幾十萬上落呀！

來源︰BI