點解Email會令人焦慮？

點解一封小小電郵，有本事令天底下嘅扮工友感到焦慮同不安？

係科學層面上，原來係咁解：

1. 擔心係壞消息

早係1930年代，已有心理學家發現，係一項實驗中，每日隨機獲得糧食嘅老鼠，比起日日有穩定足夠糧食嘅老鼠，表現更上心、積極。扮工友每日收到來自五湖四海嘅電郵，當中好壞消息參半，就好似隨機獲得糧食嘅老鼠咁，每次檢查電郵就會變得不安，怕自己中招。

2. 無間循環 做唔停手

當每完成一件事，腦袋就會釋出多巴胺，令人心情愉悅起來。不過，收電郵、覆電郵嘅工作，係個無間循環，根本無「完成」呢回事。死追爛追一個達唔到嘅目標，有時做到燥底、焦慮，都可以理解吧。

3. 難發放正能量

只靠上網同文字溝通，雖則好有效率，但較難預測對方當下嘅真正感受。有心理學家指，寄件者即使用樂觀正面嘅心態發送電郵，收件者通常只係感覺一般；若寄件者以普通心態去寫，收件者普遍對內容有負面感覺。即係話，用電郵溝通，要達至雙方都有正面感覺，頗有難度呢。

4. 通通都覆　來者不拒

扮工友對老闆或客人的電郵請求，點都會在意；加上很多研究都發現，人類喜歡「對等」嘅規矩。舉個例，對方寫咗一封長篇大論嘅電郵，係回覆嗰時，對方唔敢寫得太短，會逼自己多寫一堆噓寒問暖的話「砌字數」。唔好話多，一日收到幾封呢類電郵，真係虛耗唔少青春，又點會唔焦慮啊？

來源：The Muse