同事踩緊你上位9大警號

笑容背後，係把刀。

要喺扮工室向上爬，唔同人有唔同方法，有人會選擇默默耕耘，有人會揀踩住人，方便又快捷。

唔想自己成為人哋嘅踏腳石？一旦遇到以下呢類情況，記得好左閃右避。

1. 差隻腳埋嚟

平時唔鍾意乜都爭餐飽嘅人，只要係同你有關嘅嘢，成日要差隻腳埋嚟。

2. 同事「推比人」

自問無乜仇口，但一有麻煩嘢，某同事會第一時間推畀你，把口不停讚你能力高，實情係等緊機會跣你一鑊金，送你一程。

3. 睇你幾時衰

會不斷挑剔人，唔係對你期望，而係睇你幾時會衰。呢類人好容易睇人唔順眼，所以受害人應該唔止一個。

4. 造謠唱衰你

係背後不停數你，甚至造謠唱衰你，誓要令其他人一齊憎你、排擠你。

5. 搵你一齊hea廢你武功

感覺某同事有計劃地阻住你開工，令老細覺得你係庸才。佢地口中所謂「閒聊」，並唔係純粹搵人吹水偷懶一陣咁簡單。

6. 唔叫你開會

上至部門重要資料、重大會議，下至老細訓話內容等，次次都「唔記得」知會你，令你係公司變得「好無知」。

7. 邀功

背地裏偷走你嘅功勞，向上司邀功。

8. 扮大佬食住你

明明大家同Grade，但某同事鍾意扮大佬點人做嘢，想用氣勢食住人。

9. 無啦啦窒你

有事無事都窒人兩句，但絕對唔會明目張瞻行事，只係背後慢慢向其他人「落藥」。

來源：Business Insider