外國數據：最賺錢性格係ENTJ

你嘅性格如何，你嘅財富、人工也必如何。
究竟邊種性格搵得最多呢？外國職場網站Career Assessment Site整理咗唔同數據，利用MBTI（Myers-Brigg Type Indicator）職業性格測試，從16種性格分類中，搵出咗最識賺錢嘅一類人。
結果發現，擁有ENTJ（extroverted－外向、intuitive－直覺、thinking－理性、judging－判斷）性格嘅人…
ENTJ同其他性格相比，係最識賺錢嘅一類。終極原因，係因為佢哋通常都係天生領袖，能夠理性分析各類數據，繼而諗出適宜嘅長短線搵錢計劃。天生外向，令佢哋於處理人際關係上亦佔優。
至於搵得最少錢嗰類人，就係INFP（introverted-內向、intuitive-直覺、feeling-感性、perceiving-感知）。
一來因為佢地內向，唔太識搞好人際關係；二來比較嚮往自由同有彈性嘅工作環境，所以呢類人大多數投入藝術工作，如做音樂或寫作等等，享受精神財富。
而因為平日太感性，佢哋亦更容易沉醉於過去當中，成日話當年，例如「如果前幾日買六合彩就一定發達啦」等等‥‥結果，就只有擔誤自己時間。