Apprasial不能發現的七大潛力員工

每年一次嘅apprasial出晒名老土，老闆依住唔同工作表現內容畀分、剔格仔都相當循例式，打工仔睇完簽個名又踏入新一年。

不過，一份死板嘅Apprasial又邊睇到咁多嘢丫…

根本，好多辦工室潛力股未必一定係appraisal最高分嗰幾位，唔信睇睇下面呢七種人，完全係畀老細忽略咗︰

1. 諗嘢快過做嘢的超班馬

厲害嘅員工可以迅速反應，更加會拋開固有角色同職位，搞掂晒成件事。有一種好員工，佢唔會綁手綁腳，只要對公司好，他會積極諗自己可以發揮咩作用，解決問題。有人可能會覺得「無大無細」，但好聽啲叫「做大事不拘泥小節」。

2. 怪員工

有啲員工唔遵守常規，敢與眾不同。佢哋有時候會似個怪人，但怪得來又唔會令人好反感。如果企業擁有怪員工，不妨畀佢大膽越限，挑戰現狀，有機會可以諗到「好橋」。

3. 貪玩貪食員工

其實係好嘢。好員工知道咩時候可以放縱、可以玩，千祈唔好以為浪費時間，研究人員已發現，在上班時間花10分鐘睇搞笑影片或者吃零食，唔只個人開心，生產力仲高過埋首工作嘅同事。

4. 願意公開稱讚人嘅同事

上司嘅稱讚讓人感覺很好，但來自同事嘅稱讚就更有魔力。男女之間固然可以達到「收兵」之效，淨係好員工識得欣賞人哋貢獻，識得將欣賞同讚美化為言詞，都夠晒正能量啦。

5. 識得照顧別人自尊

大部分企業都希望開誠布公、有話攤開來講，但喺職場叢林，有啲話真係只適合私下講，尤其係一啲敏感到可能傷害個人感受嘅言論。有啲員工如果識得體諒人哋，記住要珍惜呀﹗

6. 識問問題嘅同事

好多員工唔敢在會議上舉手提問，有啲人甚至私底下都唔敢講真話。《企業》特約供稿人哈登（Jeff Haden）描述，曾經有員工問佢有關裁員的傳聞。哈登問：「點解你要問？你似乎已經知道情況。」員工就同哈登講：「我的確知道，但很多人仲未知，我諗佢哋唔敢問。但我覺得，如果可以從你口中得到資訊，對佢哋會好有幫助。」有種好員工，總會體會他人感受，適當時代表提問。

7. 不停探索嘅同事

你以為佢好廢，但佢已經搵緊你嘅下一步。一般員工順從規則，好員工則精進流程。最好嘅員工會搵方法再造流程，冇人期望佢咁做，但佢就係希望自己可以更好。

睇完係時候撫心自問，你會唔會就係嗰隻Fit馬？﹗

來源︰天下雜誌