高質有趣卡片一齊睇！

當做咗打工仔一段時間，收過唔同大大小小嘅卡片，你會發現好多其實都係千篇一律。但係身處職場，無論見客定出去social，卡片係人哋第一樣收到嘅嘢。如果收到一張好高質又有創意嘅卡片，印象分真係會加唔少㗎！今日收集咗幾款高質又有創意嘅卡片，一齊睇睇。

飲食系

一張卡片可以用嚟磨碎芝士，夠哂實用同創意！以後諗起芝士就會諗起呢個人，中晒Point！

離婚訴訟系

卡片中間已預留折痕俾用家撕開，同時兩邊都印有律師聯絡資訊，咁樣就算離婚分開，雙方都可以各自聯絡律師！

攝影系

一睇就明，即刻就知對方係一個攝影師，夠實用夠玩味！

商業系

唔洗問就已經知係做金融行業。雖然設計上比較奇怪，但其實都係想大家無論個市升定跌，都要搵佢買股票！

健身系

睇落平平無奇，一打開啲手手腳腳就出哂嚟！舞動全身，完全符合呢間公司 “Wake Up Your Body” 嘅理念。

實用系

由Pure Metal Cards公司推出嘅卡片，卡片內置USB，收到嘅客戶可以隨身帶著呢隻「USB」，一嚟有廣告效果，二嚟又實用。

開鎖系

世界頭號駭客的Kevin Mitnick，卡片就係一套開鎖工具，再配合埋佢個身份，挑戰味甚濃！