新聞內容 
返工提神5大法！
- 2020-12-09
日日坐喺辦公室對住電腦做野，真係一個唔小心就好容易瞓著咗！雖然飲咖啡有用，但係飲得多又傷身，以下教你5招，等你無咁易瞓著，又可以提高專注力！
提神第1招：飲暖水
「BB你唔舒服啊？飲暖水啦！」原來水係保持身體和頭腦正常運作嘅重要元素，當覺得攰嘅時候，就代表你缺水啦！下次眼瞓嘅時候，可以試下飲杯暖水提提神。
提神第2招：飲花茶
飲茶可以提神但係傷胃，呢個時候可以試下飲花茶，用兩塊薄荷葉加檸檬草用熱水沖，佢哋嘅香氣可以提神之外，仲可以紓解壓力！
提神第3招：食蘋果
一日一蘋果，醫生遠離我，同時食蘋果可以提升血糖含量，為身體同腦部提供足夠能量，更可以去除口氣同增加飽肚感。
提神第4招：站立深呼吸
眼瞓嘅其中一個原因係血液裡面二氧化碳濃度過高，呢個時候可以企起身深呼吸，增加血氧量，仲促進血液循環。
提神第5招：保濕噴霧
同起身之後洗面嘅原理一樣，等你個人即刻醒返晒！噴一噴，即時精神爽利！
資料來源：DELUXE [Beauty]
返回 