澳洲麥記請人用Snapchat

當你望吓周圍同事，發現有唔少已經係90後，再發現舊一套辦公室模式已經駕馭唔到佢哋，你就知道，世界要變了。近期外國麥當勞就做了一個幾破格的示範，就係用Snapchat請人，要求求職者用Snapchat，拍攝一段10秒長的自我介紹短片，以此吸納新血。

求職者申請工作非常簡單，只需要開Snapchat，掃描招聘活動的QR Code，就可啟用由麥當勞贊助的濾鏡，「試穿」虛擬制服，然後拍片加埋Hashtag就搞掂。當麥當勞覺得求職者「合眼緣」，先向他們傳送真正的求職申請表。

據知，麥當勞目前在澳洲聘用10.6萬人，當中有65%員工係18歲或以下。該公司澳洲營運總監Shaun Ruming話，自拍短片只係招聘一部分，可以吸引後生仔注意。睇來依家公司請人，少些新意都唔得，唔知香港會唔會都引入呢？免得有人工無工做，有工無人做啦﹗

來源︰news.com.au