搵唔到工時 要對自己講4個大話

外國有職場文章，就教人要搵工必先要搵到「自己」，對自己講4個大話，令心情唔再崩潰，你先至有可能，擺脫困境。

大話一： 我啲工作經驗好「獨特」，所以難搵工。

你唔係唔掂，而係太掂，比人哋行得前，咁出眾嘅人，梗係好難令人明白你，自然難搵工。

大話二：只係我唔做

長期失業者，好多時都係漁翁撒網，亂咁寄信，有時份工唔適合自己都要出去見。不過正好，你可以同自己講，搵工其實唔難，只係搵唔啱。

大話三： interview得好好，佢未搵我啫。

每次見工後都要保持信心，唔好因為表現好與壞而影響心情，同自己講一句「你好好」，了解咗新公司大概幾多日通知，就回去等消息吧。

大話四：總有份工好過呢份

份工請唔請你，都要同自己講，愈搵會愈好。係你選擇工唔係工選擇你，你咁掂，有能力搵到份更好，所以呢幾份唔請你，一啲都無損失；千萬唔少為咗番工令自己降格，接受一份人工唔理想而又唔鍾意嘅工，否則後悔莫及。

講完上面4個大話，係咪心情好啲呢？你睇以下呢位師兄，失業8個月，都終於搵到工，日前開post上網分享不斷見工失敗嘅心路歷程…

「interview既機會都好少，難免心灰。不斷反問自己係咪邊度做得唔好，cv唔清楚？執得唔夠靚？interview表現唔好？服裝有問題？態度差？

去到第七八個月真係喪屍一樣。脾氣變得好暴躁，好敏感，嚴重缺乏安全感，極度自卑。對一切事物失去興趣。唔做清潔，唔運動，唔留意自己喜歡既野，總之就乜都唔想做唔想理，死魚一條。」

最後，佢都搵到工；今年仲有一季，大家都要努力喇。

資料來源：forbes