扮工室5個保飯碗技能

經濟唔好，市道每況愈下，明哲保身特別嘅技巧，永遠唔嫌多﹗今次一次過睇睇，5大保飯碗技能…

1. 個鼻要高啲

人望高處，如果形象化詮釋，就係記住唔好為咗眼前啲白飯，睇唔到遠處件壽司。無論工作幾忙，點都要留返一啲時間，俾自己搵壽司，思考未來嘅路。

2.將努力做出嚟

人地會點睇你，實在好講個人包裝，人無PR，就係一條鹹魚。衣著打扮花心機，仲要將專業「視覺化」。靠把口講再加忙，文件一堆堆，你嘅專業，做到出面，等明眼人一睇就知你拼搏。

3. 主動搵公司弱點

要了解公司有咩弊病同不足，多運用自己專長幫手解決，而唔係有人叫你做乜，就淨係做乜，隨街都係應聲蟲，你只要唔叫一聲，或者叫兩聲，隨時公司改革都會留你。

4. 提尖銳問題

無論見客定見工，一味點頭Say yes附和，呢個時勢，有邊個唔識做？醒嘅就要識問對方較「尖銳」嘅問題，可以引起注意，同時等對方Feel到你有料。經濟差時，老細仲搵文官？一定係搵個大將軍出去殺敵，不過出呢招前，要檢視下自己是否真正有料，始終插水無幸福，扮晒有料，下場未必好。

5.講故仔要叻

做Presentation好似講故仔咁，生動啲令大家聽得投入，啟發到人（呢樣係Bonus啦），你就係高。呢種人才去到邊，都一定好搶手。

雖然係老生常談，但係呢啲時勢，學到幾招，分分鐘救人一命。

部份來源：Forbes