扮工室不能說的膠嘢

扮工仔對腦細同事仲多過阿爸阿媽，如果講嘢得罪腦細同事，唔只冇得升職加薪，分分鐘仲會日日被人篤背脊！

所以，醒目仔有9句膠嘢係一定唔會對人講⋯

1. 你好似好L攰喎
攰嘅人通常對眼撐唔開、頭髮亂、難集中精神，同埋個人又敏感又心情差。如果你咁問人，即係暗示佢有晒呢啲徵狀啦！反而問下你o唔ok呀？咁問即刻人間有情晒！扮工室最緊要唔好雪中送屎。

2. 我X﹗乜你永遠都咁咁咁嘅／你從來都唔咁咁咁嘅
其實邊會有人一定或者一定唔會點點點㗎？如果有人對你咁下定義你都唔開心啦。不如直接同對方講佢咁做會為你帶嚟咩問題，做人直直接接講個事實咪仲好。

3. 我之前咪講過……囉
呢句嘢聽落去無乜嘢，但其實係把絕世好劍，傷害到人啦。你好似叻過所有人咁，好似要你重覆講一次就係侮辱你咁……如果人哋要你再講一次，試下用一個令人易記又有趣嘅方法講啦，講過唔係大晒﹗

4. 祝你好運
雖然呢句唔係咩十惡不赦嘅句子，但有時人哋可以會覺得你覺得佢唔夠料，先需要好運搭夠。不如話佢知佢有咩skills可以做好啲就會令佢更加易成功，咁仲會幫佢建立自信添。

5. X﹗你鍾意啦
人哋問得你就梗係想你畀個答案佢㗎啦！如果你真係冇咩好建議就同人照直講冇咩好提議，然後畀少少廢廢地嘅答案，起碼都叫答咗呀嘛，X﹗最討厭係扮晒嘢唔答嘅人呀。

6. （做錯事時）起碼我唔會點點點囉
如果你真係做錯嘢就講句sorry認咗佢啦，駛咩好似轉移人哋視線咁，認錯之後咪又係一條好漢！

7. 哇！你好似瘦咗喎
咁同暗示人哋之前肥有咩分別？直接話人靚咪得囉，又唔駛比較以前嘅身材，一舉兩得。對住女同事講，小心話你做乜