打工仔Appraisal的語言藝術

有冇人工加？有時好睇你老闆點寫你份Appraisal，好多嘢就算你心係咁諗，都千祈千祈唔好講出口。要講，最好就轉個方式講。

1. 我想加人工？

就好似與其講「我想加人工」，不如話「我今年工作量好大」、「對比市場上相關職位，我薪酬係低咗啲」等。表達時態度誠懇，記住唔好講粗口（例如低L咗啲），唔少上司自然會欣賞咁認真爭取自己福利嘅員工，大大加分。

又好似「我想升職」呢句未免太白，老闆隨時反問你憑咩，倒不如提出個人喺公司年資、成績係點，再講番句「現時正計劃未來發展，想了解下公司發展方向係咪配合」、「期望自己成為不斷進步嘅人」等，以便上司考慮係咪爭取畀下屬升職。

最最重要一點係，千祈唔好講同事壞話，因為appraisal係聚焦個人與公司，並唔係講是講非嘅場合呢。Appraisal係唔可以講真心話。

來源︰綜合人事顧問意見