成功打工仔 必備5種朋友

正所謂開工靠手指，出外靠朋友，上位打人情牌是常識吧。所以，你身邊嘅朋友係點，你嘅扮工生涯亦都係點。有外國網站專欄點出成功打工仔必備嘅5種朋友，仲唔快啲去集齊一套？

1. 引導者：清楚你條底線同優點，不厭其煩講嘢去鞭策你，仲會兩脇插刀陪你去衝去闖。

2. 講故佬：鍾意想當年，成日分享自己或者人哋啲故事，雖然有啲情節可能好老土，講嚟講到都係當年見客乜乜乜，但可以趁機吸收前人經驗，聽多啲例子，都無壞。

3. 聆聽者：人人都有情緒，鬱住唔講，搞到愈抑鬱愈難收科。有個願意隨時候命聽你廢噏的人，先可以keep住日日高EQ。

4. 開心果：呢個世界太多負能量，身邊需要一個樂天派，日日食熊仔餅，向你不停發放正能量，個人無咁容易灰，先可以堅持落去。

5. 智者：有時自己的諗法未必係最好，屈埋屈埋。你需要一個有智慧又唔悶嘅朋友，既可傾八卦新聞，又可以問到深度又實際嘅問題，助你面對同思考各種挑戰。

古語有云，「臥龍」、「鳳雛」兩大軍師，有一個已經贏晒。
以上5個亦一樣，只要是但有一個，你嘅打工生涯已經不愁寂寞，再難嘅關都過到，係唔係先？

來源：Business Insider