如果時光能倒流_年輕時我最需要的忠告︱7月23號哈囉好工週刊火熱登場

如果時光能倒流_年輕時我最需要的忠告

導讀：青春是人生中最寶貴的時期，因為這段時期是最無憂無慮而且天不怕，地不怕的。踏入職場後，我們不難發現自己實際的經驗和技能並不多，那麼到底可以通過怎樣的過程來獲得這些人生經驗和教訓？如果在職場生涯裡，能獲得有用的忠告，我們可以減少很多不必要的彎路、浪費的時間和精力。在今期《哈囉好工週刊》中，我們會與大家分享那些我們最需要的忠告。

如果時光能倒流

化名: LOL

年齡: 35 – 44歲

性別: 男性

行業: 銀行和金融

職位: 基層職員 (普通職員)

年輕時的自己最需要在職場上的忠告：

做野唔好怕辛苦，做得越多識得越多。

因為：以前啱啱入行，覺得同事比嘢我做係揾我笨，但慢慢發現當你接觸同做唔同嘅嘢嗰陣，會學到好多唔同嘅嘢。

曾經收到最好的忠告：

少說話多做事，工作係睇能力。

化名: 牛牛

年齡: 55 – 64歲

性別: 女性

行業: 廣告/傳媒

職位: 中層管理者(主管級別/經理等)

年輕時的自己在職場上最需要的忠告：

實事求事，腳踏實地。如果無呢個心態，會對工作無哂熱誠。

因為：後生嗰陣嘅自己太輕浮，好高騖遠。以前曾經覺得自己可以勝任到某個職位，自以為能力符合，但後來先發現自己原來有好多不足，最後自己冇被提拔升職到嗰個職位。

曾經收到最好的忠告：

做好本份，唔好練精學懶。

化名: Lulu

年齡: 35 – 44歲

性別: 女性

行業: 批發及零售

職位: 基層職員(普通職員)

年輕時的自己在職場上最需要的忠告：

閒事莫理，少說話多做事。

因為：曾經試過太多管閒事，然後比人哋有機會入我，仲捲入職場政治。而且把口唔密亦都得罪過人。

曾經收到最好的忠告：

唔好太細路仔，要學會承擔責任同壓力。

化名: Winnie

年齡: 35 – 44歲

性別: 女性

行業: 行政/辦公室助理

職位: 基層職員(普通職員)

年輕時的自己在職場上最需要的忠告：

多鍛鍊人際關係，學多啲語言藝術。

因為：以前試過講嘢太直接，俾同事誤會咗我，搞到嗰位同事之後處處針對我。

曾經收到最好的忠告：

唔關你事就唔好插手去理，做好自己、保護自己。

化名: 小輝

年齡: 25 – 34歲

性別: 男性

行業: 娛樂博彩

職位: 基層職員(普通職員)

年輕時的自己在職場上最需要的忠告：

遇上事情要保持冷靜、處處多方面思考，咁樣先能夠大大避免錯誤發生。

因為：後生嗰陣，比較容易心煩氣躁，對好多嘢都冇耐性。有一次接更，冇耐性點前一更交嘅錢，直接唔點就算。點知後來發現少咗錢，但冇辦法，因為係自己嘅責任。

曾經收到最好的忠告：

唔好跟別人嘅步伐走，走自己嘅路。

化名: Bob

年齡: 55 – 64歲

性別: 男性

行業: 銀行和金融

職位: 基層職員(普通職員)

年輕時的自己在職場上最需要的忠告：

抓住機遇，敢想敢做。

因為：後生嗰陣嘅我無知又畏首畏尾，本來可以捉住嘅升職機會就因為唔敢嘗試所以放棄咗，到而家我仲係好後悔。

曾經收到最好的忠告：

三分天注定，七分靠打拼。

化名: Lulu

年齡: 35 – 44歲

性別: 女性

行業: 批發及零售

職位: 基層職員(普通職員)

年輕時的自己在職場上最需要的忠告：

凡事要三思，唔好意氣用事。

因為：以前曾經試過一時之氣炒咗經理魷魚。辭左職先知原來經理冇惡意，係我自己太小器，導致失去咗一份自己鍾意嘅工。

曾經收到最好的忠告：

敢做敢認，自己做錯嘢，程度無論嚴唔嚴重，都要樂意並敢於承擔。

化名: TW

年齡: 45 – 54歲

性別: 女性

行業: 行政/辦公室助理

職位: 基層職員(普通職員)

年輕時的自己在職場上最需要的忠告：

確定係唔適合自己嘅，就盡快離開，唔好勉強自己堅持。世界咁大，仲有好多工作範疇可以嘗試，要相信自己。

因為：後生嗰陣，覺得揾工好難而入咗一間唔適合自己嘅公司。當時嘅自己優柔寡斷，勉強咁做落去，搞到自己好辛苦，而且浪費咗自己時間。

曾經收到最好的忠告：

堅持自己的原則。

化名: 阿囧

年齡: 45 –54歲

性別: 男性

行業: 旅遊服務

職位: 基層職員(普通職員)

年輕時的自己在職場上最需要的忠告：

勇敢去闖，年輕有本錢。

因為：後生嗰陣，自己好怕事，樣樣嘢都唔敢嘗試。公司有好多發展機會，但總係對自己冇信心而選擇唔去嘗試。

曾經收到最好的忠告：

做人有時唔可以太過安於現狀，會影響自己前途。

化名: Nina

年齡: 18 – 24歲

性別: 女性

行業: 行政/辦公室助理

職位: 基層職員(普通職員)

年輕時的自己在職場上最需要的忠告：

做人唔好太衝動，平心靜氣先至可以解決問題。

因為：後生嗰陣，做事好衝動同感情用事。喺公事上同同事有衝突，發生口角，最後仲因為咁而辭職。但其實呢份工我幾鍾意，而且好難得。

曾經收到最好的忠告：

出錯唔係問題，最緊要係搵方法去補救，出事後喺到鬧人係解決唔到問題。

化名: Kevin

年齡: 18 – 24歲

性別: 女性

行業: 行政/辦公室助理

職位: 基層職員(普通職員)

年輕時的自己在職場上最需要的忠告：

做事唔好衝動、做人唔好太自我，要多角度思考。所有事唔係非黑即白，仲有灰色地帶嘅。

因為：自己處事嘅方式好唔成熟。好多嘢以為得一個答案，正確嘅路只得一條。

曾經收到最好的忠告：

處事要面面俱圓，既要圓滑又要保持真誠。

  結語

從現在看來，如果當初有人能給你一些忠告和建議，你會接受嗎？有時候，這些忠告我們其實是意識到的，但重要的是我們是否願意去傾聽、站在不同的角度去理解以及抱著謙卑的態度去接納。因此，別人給你忠告和建議後，你若願意敞開心扉去傾聽，並客觀審視和接納，這樣新的視角就能好好幫助你的職業生涯。

查閱更多《哈囉好工週刊》內容：http://weekly.hello-jobs.com/