失敗同事人格逐個捉

如果平時你總係覺得有啲同事甚至上司的廢廢地，咁外國職場專家呢篇「九型人格」就啱晒你睇。

並唔係我哋平時睇開嗰啲心理學九型人格，而係九種注定打工失敗嘅人格⋯

1. 無膽型

覺得唔對路會第一時間閃人。

2. 灰爆型

面對逆境嘅抵抗力係零，甚至唔止自己灰爆，仲會吸乾你嘅正能量。

3. 自大型

外國研究話，自大嘅人工作能力低，只係識反對又無建設，皆因一切由自信嘅錯覺開始。

4. 跟隊型

大隊話乜都照跟，確保自己無蝕底，根本無自我。

5. 無耐性型

有勇氣改變，但無耐性等，見過咗一陣都無得發圍，就會鬧點解無同事肯畀機會佢。

6. 情緒化型

無法掌控喜怒哀樂，無論對人對事，都難以理性對待，所以人緣一般，較難搵到好隊友並肩作戰，呢類通常都係老細嘅人格。

7. 扮弱者型

一遇到棘手事，自動進入「受害者」模式，覺得對方硬要佢做一啲（自己覺得）能力以外嘅事，係極唔合理，結果永遠活係保護網，離地扮工，弊在要你執手尾。

8. 罪疚型

做乜都覺得好內疚，所以唔識Say No，亦唔敢駁上司嘴。聽教聽話無問題，但唔係聽你而係聽同事話就大件事，好易同人連成一線對付你。

9. 道歉型

有理無理會道咗歉先，連自己啱都道歉，叫人唔食住你都唔得啦？

來源：Huffington Post