外國調查：最大壓力時間係中午1:42

人嘅情緒有高潮起伏，每日都有唔同，你嘅搵錢能力，絕對同你情緒有關。

話說近日外國Groupon訪問咗2000位美國打工仔，就一連串壓力問題作出回答，發現原來返工時連每個鐘嘅情緒都唔同，而全日最大壓力嘅時間係…

全日最大壓力嘅時間，原來係中午1:42，即係返咗半日工，又未hea得嗰時。

調查又顯示，60%美國人平日根本唔夠時間relax，尤其到咗每日嘅下午4:53之後，依然無得休息同relax，有受訪問甚至好傷心咁話：「全日根本無時間去做晒啲嘢」，換言之，即係要瘋狂OT，先有可能；份報告最後話，佢哋需要「一星期8日」，否則只會唔得掂。

需要一星期8日

此外，原來38歲係人生最大工作壓力嘅時間，一來可能剛升職，責任大咗，自己家庭又要照顧剛開始學業嘅仔女，返到屋企，又開始同老婆爭吵……報告指好多壓力，都係呢個年齡開始。

2000位受訪者之中，有41%人，過去半年甚至更耐，已經完全無放鬆過自己。

唔知你對呢個結果又有無共鳴呢？

至於男男女女會用乜方法減壓呢？女士頭三位方法分別為「做Spa」、「去海灘」、「做gym」；男士分別為 「去海灘」、 「做Spa」、「打機」等等。

資料來源：swnsdigital