內地「豪宅試住員」月薪達兩萬

人生在世，但求搵份筍工。話說近日內地都有份筍工，就係太原一間地產公司嘅 「試住豪宅員」，我哋一齊睇下，呢位173cm高，長腿女試住員，點樣幫有錢佬瞓新屋吧…

呢位員工叫高琴梅，1992年出世，係位90後少女。

據佢講，試住員呢份工，輕鬆嘅地方在於，佢想瞓就瞓，而且收入唔差，獎金、工資、佣金，加埋每個月多過2萬蚊人仔，等於一般人做幾個月啦，佢仲話：

「我的試住體驗報告是以日記的形式來記錄，以旁觀者的目光和觸角深入社區生活的方方面面，其中會涉及到樣板間、小區環境、物業服務、生活娛樂配套設施以及鄰里關係等等一些列的內容。」

只係今次，係咁幸運試到間豪宅，結果爆紅。據講，份報告要求唔使專業，因為如果太專業，啲買樓嘅普羅大眾甚至有錢佬，都唔會明，反而佢要主觀地表達到畀人聽，到底間屋，住得爽唔爽。

但豪宅試住，除非整爛嘢唔使賠錢，否則，其實都唔易做，又要當係自己屋企，但又唔可以整爛嘢。據了解，豪宅入面單單係家居裝飾，都已經超過500萬人仔，隨時打工唔夠賠﹗

仲有，唔好以為佢無嘢做，首先，佢要試下屋企部電視，啲畫面清唔清，另外仲要同清潔阿姐交流，記錄清掃時間、清掃標準，仲有游泳池、車庫，樣樣休閒設施都要試下，真係幾忙：「地庫很大，車位很多，直通電梯也很方便，就是出入口比較少，容易造成紮堆出入庫的情形」。

最後，每日寫低評價同進度…你睇，佢份工真係幾忙㗎﹗

文章來源：扮工男女