新聞內容 
【HR 點解辭咗上一份工 點答先最得體】
- 2022-10-26
係轉換職場跑道嘅路上，無論係辭職寫離職原因、定係面對interviewer嘅提問時，都希望可以留低好印象。好多人可能會覺得講真話句句屬實，成功率會大啲。但其實太誠實講真話，都唔係一個明智嘅抉擇，因為一唔小心就可能放大自己嘅缺點。
除咗職場新鮮人，只要你係轉職者，離職原因一定係面試之中嘅必考題！今次會教大家有邊啲離職理由唔建議講，同埋點樣包裝你嘅離職理由，點樣答先可以俾interviewer留下好印象？
係絞盡腦汁之前，先要了解 HR 點解會問呢條問題
HR係面試過程之中，一定會透過幾個關鍵問題，去判斷出對方係唔係公司適合嘅人，「離職問題」係其中一道殺手題，如果答得唔夠好，有可能會少咗個機會。但想答得好，就一定要用HR角度去了解呢條問題：
1. 了解你嘅個性、人格特質，睇吓你係咪可以適應公司文化
公司文化係公司發展嘅重要考量之一，透過喺面試中觀察你嘅行為同談吐，了解你嘅想法同反應力，睇吓你可唔可以適應公司環境。所以，當遇到困難嘅問題時，不妨試吓放鬆，太過緊張可能就會影響HR對你嘅印象同認識。
2. 了解你對於工作嘅期待，避免相同嘅離職原因再發生
每個人對於工作嘅期待同「價值觀」都唔一樣，有人人工至上，有人追求成就感。HR嘅工作，就係喺面試階段了解「你對呢份工嘅期待係點？」。如果呢份工作同樣滿唔足到你嘅期待，你都好有可能因為相同原因而離職。
3. 了解你嘅忠誠度、穩定度
間間公司都會希望減少訓練新人嘅時間成本，對於離職率高、頻繁更換工作嘅求職者，HR會特別想了解你嘅觀點和理由，方便去評估你未來呢份工做唔做得長。同時，面試時會問到嘅職涯規劃、個人發展呢啲問題，其實都係想觀察你嘅穩定度、忠誠度，以減少公司嘅流失率。
邊啲離職原因唔建議講？換個方法講仲得體！
離職原因地雷一：工作內容冇挑戰性、無聊
係一間公司做耐咗，好難免會覺得工作內容好重複、無新意。而追求新鮮感係人之常情，但如果咁直接同interviewer講，佢有可能認為你：
1. 唔夠積極：
部分公司會認為，如果工作開始冇挑戰性，員工應該要主動創造機會、去承接啲有挑戰性嘅專案，而唔係等主管幫你做規劃、搵目標。
2. 做唔到重複性的業務：
任何職位都有各自嘅日常需要處理，而工作並唔係日日充滿挑戰，如果你直接同HR抱怨工作無趣，HR可能會擔心你用同樣理由離職。
咁你可以點說？ →上一份工作無法令我成長
上一份工作已經無法滿足自己嘅求知慾同熱愛學習嘅心。
咁樣答可以展現到你想進步嘅決心。同時可以進一步說明上一份工嘅工作內容，強調自己完善咗邊啲能力，加強說服力。透過敘述你想進步嘅動機同未來方向，可以有效令 HR 了解同深信你係一個喜歡不斷嘗試同學習嘅人才。
離職原因地雷二：人工太低、難以晉升
如果直接咁答，有可能會令interviewer覺得你係努力唔夠、工作績效唔好，先會無得升職加人工。
咁你可以點說？ →期望我嘅報酬可以反映出我工作嘅價值
你可以好具體咁說明，由你啱啱入公司到離職，你嘅工作表現成長咗幾多，但人工就冇相對應幅度嘅成長。可以透過較為正面嘅表述，去凸顯自己嘅價值，拉大同HR談判嘅空間。
離職原因地雷三：成日OT加班、工作量大太累
有啲HR 會認為，加班可能係因為你工作效率唔好、時間管理能力差而造成。另一方面，如果係in左啲有OT需求嘅公司，佢哋更有可能會懷疑你嘅能力、求職意向同公司唔符合，面對唔到挑戰同壓力。
咁你可以點說？ → 面對工作量大，我係咁樣規劃處理……
建議你係講呢類離職理由時，多啲聚焦係面對工作量多時，你係點樣管理規劃，最好舉出幾個實際案例。講明就算事務繁忙，你都可以妥善處理，同時具備相應嘅抗壓能力。就算係偏向屬於負面嘅離職原因，都可以化劣勢為優勢，變做HR對你加分嘅力量。
希望以上內容可以幫助求職者了解點樣包裝離職原因，並根據不同面試題，準備最好嘅答案。提提各位係面試之前，記得不斷咁練習同模擬可能出現嘅問題，咁樣就唔怕唔識答同亂咁答嘅情況！
返回 