【10個高質免費圖片平台！打工仔做報告同PPT必用！】

唔理你係學生定打工仔，相信大家都會試過喺Google 搵圖去做報告同PPT。但其實Google圖片所顯示嘅內容，大部分都係有著作權㗎！所以唔好隨便就下載嚟用。

今日小編就為大家整理出10個高質免費圖片平台，呢啲圖片資源網站所提供嘅圖片大多都係免費、可以商用，咁就唔洗擔心會有版權問題啦！

1.Burst  (由 Shopify 提供)

網址：https://burst.shopify.com/

Burst 係 Shopify 為咗商家而提供嘅免費圖片資源網站。

Burst 網站當中所提供嘅圖片都係免費、免版稅、可商用，所以喺 Burst 入面所有嘅圖片都可以免費下載、再次編輯、甚至係應用到商業用途中。

而 Burst 嘅每張圖片都有高畫質與低畫質兩種版本，針對不同需求嘅使用者。

2.Kaboompics

網址：https://kaboompics.com/

Kaboompics所提供嘅許可證類似於Creative Commons Zero嘅條款，唯獨你無法重新散佈同轉發圖片畀其他人。

Kaboompics所有圖片一樣都係免費下載、可商用、可非商用同唔註明出處都可以免費下載使用。

3.Canva

網址：https://www.canva.com/photos/free/

Canva 不單只係一個線上圖片設計、海報、LOGO 嘅免費工具，佢仲有提供免費圖片下載。Canva 其中嘅優點係，你可以好快咁將圖片轉換成你想要嘅尺寸大小，如 Facebook、Instagram、Twitter 等尺寸。

4.Unsplash

網址：https://unsplash.com/

Unsplash 堪稱免費無版權圖片資源網站當中，品質質量最高嘅網站之一。大多數使用者都係使用 Unsplash 嘅圖當作大型圖片嘅輸出、或者作為桌面嘅背景。

Unsplash 嘅特點係每一張圖片嘅解析度都超級大，所以就唔洗擔心圖片原始解析度過小，導致圖片放大時嘅失真問題。而 Unsplash 大多圖片類型係以風景照同靜態生活照為主，由專業攝影師提供嘅免費商用圖片。

5.Pixabay

免費圖庫連結：https://pixabay.com/

Pixabay都係一個相當多人使用嘅免費圖片下載網站。PixaBay所有圖片都係基於 Creative Commons 所發表，理論上係可以安心使用，同時都唔需要在底下署名作者，即使你係用作為商業目的，都係一律許可。

6.Magdeleine

網址：https://magdeleine.co/browse/

Magdeleine 每日會提供各種高畫質、高解度各類型嘅免費圖片。佢分別提供免費 CC0 創用圖片同需要署名來源的圖片，所以喺下載用之前，要睇看清楚圖片係屬於邊種類型！

7.Pexels

網址：https://www.pexels.com/

Pexels 擁有非常大量嘅免費圖片，其中包含各式各樣種類，所以都係最多人使用嘅線上免費圖庫之一。

8.PicJumbo

網址：https://picjumbo.com/

PicJumbo所提供嘅免費圖片大受網站設計師歡迎，因為喺 PicJumbo 上所提供嘅圖片不單只可以當網站素材使用，圖片嘅解析度竟然高達 3888px！同 Unsplash 所提供嘅圖片品質旗鼓相當，都係數一數二高質免費圖片平台。

PicJumbo 每日都會更新同提供新嘅免費圖片，喺 PicJumbo 當中所搜尋到嘅圖片，都可以無限制畀個人或者商業使用。

9.Wunderstock

網址：https://wunderstock.com/

Wunderstock 係一個非常易用嘅免費圖片平台，目前網站已經收納超過 1 千萬張嘅免費圖片。你喺網站中下載任何圖片，不但可以自由進行編輯同修改，仲可以應用到商業用途入面！

10. MyStockPhotos

網址：https://mystock.themeisle.com/

MyStockPhotos 係一個免費線上圖庫，目前已經收錄咗 1222+ 張高畫質圖片，而當中所有圖片都係採用 Creative Commons Zero (CC0) license，咁就喺任何地方都唔需要署名。

部分文章來容出處：TechMoon 科技月球