【煙花終於返嚟澳門啦】今個農曆新年約定你！

號外號外！！！仲有唔夠一個月嘅時間就到農曆新年啦～

唔講唔知，其實到時澳門會有大型煙花表演，仲要係三場咁多呀！

除此之外，仲有兩場花車匯演巡遊，到時候現場一定會非常熱鬧，煙火璀璨！！！

小編正係諗就已經好興奮，記住約埋朋友屋企人一齊去睇煙花啦～

三場煙花盛宴表演時間

第一場：2月3日（年初三）

第二場：2月7日（年初七）

第三場：2月15日（元宵節）

大型花車匯演時間

2月3日及12日晚舉行，詳情將會儘快公佈

澳門觀賞地點

最佳觀賞地點首選澳門旅遊塔，喺澳門塔可以睇到澳門成個城市，視野非常開闊，效果絕對震撼！

除此之外，仲有熱門嘅觀音蓮花苑、澳門科學館一帶嘅海邊、氹仔海邊、主教山山頂以及南灣•雅文湖畔。

珠海觀賞地點

珠海嘅最佳觀賞位置係加林山，企係個到澳門一半城市夜景都睇到，觀賞位置非常好，而且呢到仲係攝影愛好者嘅最佳拍攝點！！！

仲有十字門區，情侶南路、澳門環島遊等等，這些地方距離澳門都非常近，比如情侶南路，靠近九洲港可以睇到澳門旅遊塔，視野也非常開闊。