「富有」30歲應該有的心境

有錢，無錢？有樓，無樓？呢啲，唔一定係30歲同20歲嘅分別。反而，身心係咪「富有」，先係30歲嘅重點。

話說外國職場網站製作咗5幅對比圖，一齊睇睇，「三十而立」應該有甚麼心境…

1. 30歲唔再係「無限時間」

要開始安排時間表，夜晚出街飲嘢要諗諗。

太多無謂恩怨要封存，而無論待人處事抑或投資方法，固執通通要放低。30歲係時候衝破理論同感情框框。

你開始將朋友分為三種——豬狗朋友、損友、真朋友。30歲，需要真感情，再多嘅錢都未必買得到。

唔好以為年紀愈大愈輸唔起，其實剛好相反。後生時唔輸得，甚至止蝕都唔識，結果有苦自己知；人愈大，肯承認自己缺點，真正為自己而活。

20歲時見個個都好善良，但其實好與壞，你又分唔分到呢？30歲，經過重重教訓之後，你終於一眼/兩眼睇得穿，邊啲人會令你人生「跌錢」；話不投機半句多，真正傾唔到計嘅，根本唔會埋到你身。