《英雄難過美人關》美人難過歲月關︱9月3號哈囉好工週刊火熱登場

英雄難過美人關_美人難過歲月關

導讀：中國古代歷史上，有不少皇帝因貪戀美色，或為了愛情而斷送了江山，例如商朝紂王因寵愛妲己而荒理朝政，周幽王為博褒姒一笑而點燃烽火台等等。這些「不愛江山愛美人」的例子不僅僅發生於中國古代，英國國王愛德華八世，也就是退位後世人所熟知的溫莎公爵，亦為了他的愛人而選擇放棄王位。不難發現，擁有美麗的外表可能會為你帶來優勢，亦可能會造成不便，這種待遇差別其實在職場上亦會發生。今期《哈囉好工週刊》會和大家逐一分享。

                          69% 的打工仔曾經在職場上身陷「英雄難過美人關」的處境

● 你覺得「英雄難過美人關」在職場中普遍存在嗎？

45% 的覺得普遍存在

29% 的覺得不普遍

26% 的覺得不清楚

● 在職場上，你遇過或做過哪種情況的「英雄難過美人關」？

53% 外貌較好的同事犯錯，但同事/上司/老闆故意為其隱瞞

38% 工作能力不怎樣但外貌較好的同事被升職

19% 客戶提供大量業務給外貌較好的客戶服務部同事

9% 因為供應商的客戶服務同事外貌較好，儘管他們公司的服務差，但依然獲得很多生意

8% 同事/上司/老闆故意將功勞誇大且歸功於外貌較好的同事

7% 感情出軌－與同事/上司/老闆朝夕相對，影響了自己的感情或婚姻

● 你曾經因誰而身陷過「英雄難過美人關」的處境？

39% 認為同事

24% 認為客戶

22% 認為老闆

13% 認為下屬

2% 認為供應商

● 你對自己身陷「英雄難過美人關」的經歷有甚麼感想？

45% 沒有想太多，過去了就由它過去吧

31% 很享受，如果時光倒流，我會再做一次

9% 很享受，但如果時光倒流，我不會再做

7% 很後悔，我希望自己可以更自律和自我控制

6% 不享受也不後悔，當時沒辦法只好隨波逐流

2% 很後悔， 但如果時光倒流，我不會再做

● 你曾經因誰而身陷過「英雄難過美人關」的處境？

39% 認為同事

24% 認為客戶

22% 認為老闆

13% 認為下屬

2% 認為供應商

● 你對自己身陷「英雄難過美人關」的經歷有甚麼感想？

45% 沒有想太多，過去了就由它過去吧

31% 很享受，如果時光倒流，我會再做一次

9% 很享受，但如果時光倒流，我不會再做

7% 很後悔，我希望自己可以更自律和自我控制

6% 不享受也不後悔，當時沒辦法只好隨波逐流

2% 很後悔， 但如果時光倒流，我不會再做

68% 的打工仔不支持職場上有「英雄難過美人關」的行為

17% 認為支持

15% 認為不支持也不反對

● 你為甚麼不支持「英雄難過美人關」 的行為？

35% 等於不勞而獲，靠外表帶來利益

32% 對其他只能靠實力的同事不公平

26% 對公司風氣和文化有負面影響

7% 影響對工作的投入及降低生產力

● 你為甚麼支持在職場上 「英雄難過美人關」 的行為？

46% 正常，有人的地方必有競爭和對比

20% 好看的外表也需要投資和時間培養的，也是一種職場專業的表示

18% 有些工作職位需要較好的外表去勝任

9% 有得天獨厚的條件一定要好好利用，不可以浪費

7% 愛美之心人皆有之，長得好看就是佔優勢，畢竟第一印象已經會比別人好

76% 的打工仔不會選擇做出「英雄難過美人關」的行為

15% 的打工仔可能會

9% 的打工仔會

如果選擇不會：你為甚麼不會做出「英雄難過美人關」的行為？

86% 對公司風氣和文化有負面影響

73% 影響打工仔對工作的投入及降低生產力

57% 認為某程度上是歧視相貌不較好的同事

36% 因為對愛情專一，不會亂搞男女關係

27% 不想妨礙我在工作上的專業性

21% 這樣的事情是不會發生在我身上

如果選擇會和可能會：你為甚麼會做出「英雄難過美人關」的行為？

98% 出於玩樂心態，大家都是成人

51% 純粹喜歡這個同事

43% 公司文化和風氣造就公司這「潛規則」，我只是遵循公司「潛規則」辦事

40% 這樣上位會更快

37% 我就喜歡以貌取人，喜歡視覺享受

29% 有權利就應該享受不一樣的待遇

你覺得有較好的外貌和外表，對於在事業取得成功是否很重要？

60% 覺得重要

27% 覺得不重要

9% 覺得一般

3% 覺得非常重要

1% 覺得非常不重要

2Y哥哥

行業：工程

職位：工程師

性別：男性

年齡：35 – 44歲

有個女同事日日都做錯嘢，雖然每次都好小事，但係老細每次都唔會話佢，一直抱住一副大事化小、小事化無嘅心態。有次佢做咗一件好嚴重嘅錯事，老細竟然偏心到出哂面咁將佢做錯嘢嘅責任推去另一個同事身上，幫個女同事避免咗一封警告信。

睇法：一間公司有靚仔靚女其實好正常，但做到呢個程度就只可以講習慣就好。

給打工仔的建議：自問長相一般嘅，見到呢個情況，只可以小心啲，唔好做人哋嘅代罪羔羊。

Dodo

行業：餐飲

職位：服務員

性別：女性

年齡：35 – 44歲

有個另一team嘅同事日日都乘機同我哋新嚟嘅女同事食lunch，又成日啱啱好同一時間返到公司，就算冇咩事都要經過吓佢個位。有次我哋個新同事OT，嗰位同事就留低幫手做到夜深。從此佢哋藕斷絲連，跨部門合作，女同事條team瞬間多咗個免費嘅隊員，做佢地嘅後勤支援。

睇法：人靚真好。

給打工仔的建議：唔影響到自己嘅就唔好理咁多啦。

雪梨

行業：酒店

職位：文員

性別：女性

年齡：25 – 34歲

我哋有個已有老婆同一對仔女嘅總監，成日同同部門嘅女同事搞曖昧。有次公司團體旅行，有人見到個女同事係總監間房出嚟，咁大家都知咩事啦。

睇法：一句講晒咪即係起咗色心，不過暫時唔影響到其他人就算啦。

給打工仔的建議：如果知道嗰位美人係邊個，以後記住唔好得罪佢啦！

Ray

行業：娛樂博彩

職位：角子機員

性別：男性

年齡：18 – 24歲

公司有位男經理同自己部門嘅某位女下屬好親密，佢哋成日做咩嘢都一齊。明眼人都知佢哋有一腿啦！之後嗰位女同事仲好順利咁升咗職，可憐嗰啲挨生挨死都上唔到位嘅同事。之後個個同事都唔服經理同嗰個被升職嘅女下屬，畀人私底下寫投訴信去高層度投訴。

睇法：職場上嘅男女關係有時會好亂，喺公司亂搞關係好容易麻煩到自己同同事。

給打工仔的建議：保持清醒，既然有前車之鑒就唔好學佢咁樣，職場上都係公私分明最好。

UFO

行業：保安

職位：保安員

性別：男性

年齡：25 – 34歲

有個男同事每次只要見到有新入職嘅靚女同事，就會馬上衝去結識，講嘢仲要非常曖昧。本身咁都唔算大問題，過分嘅係其實佢自己已經有女朋友，仲不停咁喺公司撩女仔，日日喺公司忙住處理各個女同事嘅公事同私事，自己嘅工作就推晒畀佢嘅下屬做。

睇法：呢個社會好多人都係咁，要帶眼識人。

給打工仔的建議：遇到呢種人千祈唔好深交。

Isabel

行業：交通運輸

職位：交通指揮

性別：女性

年齡：35 – 44歲

有個外勤同事成日優待一個女兼職，又幫佢拎重嘢，甚至返工遲到都唔緊要，後來阿頭知道咗仲不知悔改咁繼續偏袒女兼職，搞到自己畀人炒魷魚仲要冇得上訴。

睇法：早知如此，何必當初。

給打工仔的建議：事不關己，己不勞心。

如妹

行業：建築

職位：行政助理

性別：女性

年齡：35 – 44歲

有個同事鍾意咗一個新嚟嘅女同事，就成日搵機會約佢食飯，只要喺工作上面有困難嘅都會無條件幫佢做，然後留啲最簡單最輕鬆嘅事畀佢做，所有嘢都係為博紅顏一笑。

睇法：搵女朋友可以，不過唔好偏心得咁出面。

給打工仔的建議：隻眼開隻眼閉，閒事勿理太多。

Jorge

行業：銀行

職位：財政文員

性別：男性

年齡：25 – 34歲

老細偏心某位女同事，無論嗰位女同事做事有幾錯都唔會鬧，但佢會將啲火轉發喺其他同事身上。有次另一個同事緊接女同事後邊入去開會，就因為一件小事鬧到佢飛起，公司每一位同事都做過炮灰。

睇法：好離譜，一啲都唔公私分明，咁樣好影響公司工作氛圍同士氣。

給打工仔的建議：職場上當然要工作為先，私人情感唔好帶返公司。

Kevin

行業：零售

職位：銷售員

性別：男性

年齡：18 – 24歲

新嚟嘅女同事係一個經理難得會親自train嘅新人。經過一段時間，大家都開始發覺經理好包庇呢位新人。有次新人收錯錢畀cashier鬧，而經理知道咗之後竟然鬧個cashier：「新人收錢嘅時候點解唔喺隔離睇住佢收？點解會畀佢自己一個人收錢？」就喺嗰晚cashier埋數嘅時候佢就覺得好委屈咁喊咗出嚟。

睇法：其實經理鍾意邊個保護邊個都係人之常情，但如果是非不分又寵慣晒就唔係咁好囉。

給打工仔的建議：形象重要但能力更加實在，所以都係好好咁努力工作啦。

曉彤

行業：娛樂博彩

職位：公關

性別：女性

年齡：25 – 34歲

公司有個已有家室嘅男經理，佢成日同另一個部門嘅女同事來往好密切。平時一齊開會就會見到佢哋好開心咁你一句我一句，覺得佢哋好明目張膽，畢竟男方已經有家室！

睇法：其實靚女多人幫係好正常，但有家室嘅人仲偏心到咁出面就好離譜囉。

給打工仔的建議：知道幾多內幕都好，唔好亂咁傳八掛，要慎言！

大B

行業：地產

職位：銷售員

性別：男性

年齡：25 – 34歲

上司請咗一個佢好鍾意嘅女神嚟公司，每日都陪佢食飯又車佢返工放工，畀佢做嘅嘢都係輕鬆到離譜，而且佢做唔掂嘅嘢都只會要其他人收尾。咁當然上司係隻眼開隻眼閉，唔會理我哋嘅感受，佢嘅目的只係不停咁討好佢個女神。

睇法：見到呢種上司真係好想辭職唔做。

給打工仔的建議：接受到就繼續做，唔得就唔好勉強自己。

結語

每個人都夢寐以求擁有美麗的外表，因此才會有「女人錢最易賺」的說法。從女性在化妝護膚品上的龐大花費，以致越來越發達的整容行業，彷彿都像在對「美」下定義。相由心生，其實擁有一顆善良的心，才是最美的。

查閱更多《哈囉好工週刊》內容：http://weekly.hello-jobs.com/