新聞內容 
《職場生存秘技》教你喺職場如魚得水︱8月20號哈囉好工週刊火熱登場
- 2018-08-20
- https://mp.weixin.qq.com/s/UUyPenZYXRmEExvcbzTdmA
職場生存秘技_教你喺職場如魚得水
導讀：「物競天擇，適者生存」是達爾文在《進化論》中提出的一種自然法則，說明只有生物不斷進化以適應自己的生存環境，才不至於被淘汰。人類自古以來學會耕種、生火、製造武器及運輸工具、建立社區等，都是為了可以繼續生存和繁殖後代。同樣地，在職場這個小型社會，固然有該學的生存法則及技巧。為此，今期《哈囉好工週刊》特意和大家分享讀者們的親身經歷，提供大家一些實際及可靠的職場生存秘技。
職場生存秘技
《第一章》
化名：小九子
性別：男性
年齡：35~44歲
行業：廣告
職位：廣告設計師
秘技1：識睇眉頭眼額。
因為：識時務者為俊傑，係合適嘅時候做合適嘅嘢。
秘技2：做錯嘢要認，打就要企定。
因為：敢於認錯，會畀人一種負責任同虛心嘅感覺，減低做錯事後對自己嘅評價同負面影響。
秘技3 ：唔係自己嘅嘢就唔好做。
因為：做唔係自己工作範圍嘅嘢，做得好冇人會讚你，做錯就鬧你。
《第二章》
化名：李生
性別：男性
年齡：25~34歲
行業：地產
職位：銷售員
秘技1：唔好搞小圈子。
因為：喺職場上冇絕對嘅敵人，搞小圈子嘅人，最終只會搞死自己。
秘技2：受到別人對你嘅無理指責，就笑笑算吧。
因為：與其花時間去理會同介意，不如自我增值，做好自己，提升自己嘅能力。
秘技3：如果接受唔到而家嘅工作，而且工作得好唔開心，就辭職吧。
因為：人生唔係只有工作，仲有好多有意義嘅事需要我哋去關心同感受。工作只係人生嘅一部分，唔係人生嘅全部，唔好令工作佔據你整個生活。
《第三章》
化名：Amy
性別：女性
年齡：35~44歲
行業：教育
職位：教師
秘技1：懂得人情世故。
因為：職場離唔開人同人情，人情世故可以幫助你同同事維持和諧嘅關係，累積人脈。
秘技2：保持謙卑嘅心。
因為：保持謙卑嘅心，能時刻自省；體諒他人嘅心，喺職場上先容易有貴人相助。
秘技3：唔好怕蝕抵。
因為：唔好太計較得失，唔好計較邊個做得多定少，學到嘅技能，累積到嘅經驗都係自己嘅。
《第四章》
化名：陳小姐
性別：女性
年齡：18~24歲
行業：法律
職位：行政文員
秘技1：識做人。
因為：工作上大家係團體關係，打好關係下次合作起上嚟都方便快捷啲。
秘技2：唔關你嘅事少插手。
因為：本身人哋嘅事，自己唔知道青紅皂白，來龍去脈，好容易惹禍上身。
秘技3：少理閒事。
因為：人哋啲私事唔好隨便去評價同宣揚，做好自己就得啦，到時比人整返轉頭就唔好啦。
《第五章》
化名：John
性別：男性
年齡：18~24歲
行業：工程
職位：行政文員
秘技1：要有大志。
因為：喺職場上，如果冇目標就好難向上爬，到最後只會成為配角。
秘技2：多溝通，少講八卦。
因為：同事之間一定要做好溝通同交流，咁樣先可以順利做好各項工作。
秘技3：感恩幫過你嘅人。
因為：喺職場上生存一定要互幫互助，咁樣先可以開開心心咁工作。
《第六章》
化名：Mike
性別：女性
年齡：18~24歲
行業：法律
職位：行政文員
秘技1：建立良好嘅社交手腕。
因為：識處理職場上嘅人際關同洞識其他人嘅情緒會令同事之間相處得更好，減少磨擦。
秘技2：待人要真誠。
因為：你對人真誠，自然會得到他人嘅信任，可以令同事間嘅交流更加順暢，令團體合作更加好。
秘技3 ：做事要細心。
因為：每做完一件事都細心檢查可以減少錯誤嘅發生。
《第七章》
化名：Tim
性別：男性
年齡：18~24歲
行業：銀行
職位：接待員
秘技1：慎言。
因為：職場上太多人云亦云嘅小道消息，真假難辨！所以唔好亂講嘢。
秘技2：學會自我調整。
因為：調整自己嘅心態，學習適應環境，就可以融入公司嘅文化當中。
秘技3 ：學習同唔鍾意嘅人打交道。
因為：承認你同其他人有差異嘅存在，會令你同周圍嘅人相處得更好。就算面對你唔鍾意嘅人，你都要專業面對，因為工作就係工作，無法避免。
《第八章》
化名：BB
性別：女性
年齡：25~34歲
行業：零售
職位：銷售員
秘技1：口甜舌滑。
因為：只要有一把好嘴冧得掂全公司同事，必定可以一帆風順。
秘技2：要識執生。
因為：好多時會有突發狀況，需要有靈活嘅頭腦解決問題。
秘技3：多勞多得，唔好怕蝕底。
因為：做得越多學得越多，增加自己嘅能力。
《第九章》
化名：Jojo
性別：女性
年齡：18~24歲
行業：公務員
職位：警察
秘技1：學習放下身段。
因為：自視過高好容易會喺職場上樹敵，令你喺職場上人緣變得更差。
秘技2：避免堅持己見。
因為：每個人睇法都唔同，可以多啲接受其他人嘅意見，會令自己思路更加廣闊。
秘技3 ：正視自己嘅能力同缺點。
因為：每個人嘅能力都有長有短，唔好因為遇到挫折就輕易放棄，接受自己先會變得更加好。
《第十章》
化名：Lolo
性別：女性
年齡：25~34歲
行業：金融
職位：審計師
秘技1：積極幫助上級成功完成任務。
因為：無論工作內容係咩，要記住你嘅終極目標就係幫助上級完成整個團隊嘅目標，團體成功，就係你嘅成功。
秘技2：可以唔聰明，但唔可以唔小心 。
因為：唔小心嘅話可能會隨時影響到其他人，犯左「得罪人」嘅職場大忌。
秘技3：企係上司立場思考問題。
因為：咁樣會減少出錯，又可以好快完成上司比你嘅任務，做個了解上司嘅下屬。
《第十一章》
化名：Peter
性別：男性
年齡：35~44歲
行業：酒店營運
職位：房務員
秘技1：孖住大紅人。
因為：有事會有人幫你撐腰，有咩錯可能會救到你。
秘技2：識見風轉舵。
因為：識睇其他人眼色做嘢，做人處事 能力會大大提升。
秘技3：堅持己見。
因為：如果真係唔係自己做錯，嘗試整理一下情況，用友善嘅態度同老細講。相信大部分老細都會明白。
《第十二章》
化名：Peppa
性別：女性
年齡：25~34歲
行業：電子
職位：技術員
秘技1：懂得累計人脈，搞好人際關係。
因為：澳門街，識人好過識字。
秘技2 ：沉默是金。
因為：言多必失，好多時候，說者無意，聽者有意。
秘技3：凡事不要強出頭，要量力而為。
因為：強出頭會容易闖禍，如果自視過高嘅會吃虧。
【職業生涯中最常有的錯誤】
剛愎自用，以為自己甚麼都懂
不去建立人脈關係
不事前為會議作準備
忽視名片的價值
參與辦公室八卦
不準時出席會議
安於現狀，不力爭上游
不主動瞭解自己的行業
不去製作一份清晰的履歷
過度與同事分享私事
離職後斷絕和舊公司聯繫
衣著不恰當
發電郵前不核對內容
不尊重職位較低的同事
不從錯誤中學習
不去請教別人
態度負面
不懂感恩
有需要時不去尋求協助
不為自己爭取
結語
除了精通職場生存之道，懂得好好在職場表現自己也是取得成功的關鍵。以下是三個萬用法則：
1）熟悉你的工作內容，可以助你成為團隊不可或缺的一員；
2）取得老闆的好感；
3）努力工作，並扶持身邊的同事。這些法則看似簡單，卻難以實行、缺一不可，缺少任何一樣都很可能拖慢你的腳步。
查閱更多《哈囉好工週刊》內容：http://weekly.hello-jobs.com/
返回 