新聞內容 
《白富美，高富帥》職場人生勝利組 | 09月14號哈囉好工週刊
- 2020-09-16
人生有時就係咁唔公平，有啲人平平無奇，有啲人就係高富帥或者白富美。呢班天生有優勢嘅人好似咩都有，同埋好似比其他人有更多嘅機會。今期《哈囉好工週刊》會有打工仔分享佢哋對高富帥同白富美嘅睇法，呢班人喺職場上有啲咩特權或額外福利呢？一齊睇睇！
高 富 帥
指生得高大、又靚仔、經濟實力強嘅男性。
白 富 美
你公司嘅白富美佔嘅比例有？
45% 少於5%
43% 5% – 10%
10% 11% – 15%
2% 16% – 20%
打工仔對於白富美,高富帥睇法
// 女受訪同事認為
你覺得高富帥喺職場有冇優勝之處？
45% 唔知道
42% 冇
13% 有
你覺得高富帥喺職場上有優勝之處嘅原因係：
38% 外表好，客戶印象都好啲，接多啲單
22% 比較容易擴充人脈
18% 比較有眼光、有見識、好多資訊可以分享
16% 靚仔賞心悅目，人緣好
6% 上司如果係女會著數啲
你覺得高富帥喺職場上冇優勝之處嘅原因係：
43% 同普通同事待遇冇分別
28% 唔識同其他同事相處
17% 工作唔會太勤力/刻苦耐勞
12% 唔缺錢，容易辭職
// 男受訪同事認為
你覺得白富美喺職場有冇優勝之處？
90% 有
10% 冇
你覺得白富美喺職場上有優勝之處嘅原因係：
30% 不論男女都鍾意睇靚女，職場上必定有優勢
24% 一定會有男同事主動幫忙
20% 上司係男嘅話肯定有好處
18% 外表好，客戶印象都好啲，接多啲單
8% 容易喺職場搵到結婚對象
你覺得白富美喺職場上冇優勝之處嘅原因係：
30% 妒忌佢哋嘅人都會有好多，好容易被排斥
22% 唔缺錢，容易辭職
20% 受寵開肯定唔會刻苦耐勞
15% EQ較低，話兩句都唔得
13% 用好多時間扮靚，影響工作效率
男女上司/老闆,下屬想法大不同
// 上司會對高富帥下屬更偏愛嗎？
女受訪上司/老闆認為自己：
90% 唔會偏愛
10% 會偏愛
女受訪下屬認為上司：
64% 唔會偏愛
24% 稍為偏愛
12% 會偏愛
// 上司會對白富美下屬更偏愛嗎？
男受訪上司/老闆認為自己：
50% 稍為偏愛
38% 唔會偏愛
12% 會偏愛
男受訪下屬認為上司：
68% 會偏愛
32% 稍為偏愛
上司/老闆們點睇白富美,高富帥?
// 女受訪上司/老闆認為
你會畀高富帥下屬有更多工作特權嗎？
88% 唔會
8% 唔知道
4% 會
同一職位下，你會畀高富帥下屬一樣薪酬嗎？
100% 一樣高
相同表現下，高富帥會更容易被升職嗎？
78% 唔會
18% 唔知道
4% 會
// 男受訪上司/老闆認為
你會畀白富美下屬有更多工作特權嗎？
64% 唔會
26% 唔知道
10% 會
同一職位下，你會畀白富美下屬一樣薪酬嗎？
100% 一樣高
相同表現下，白富美會更容易被升職嗎？
53% 唔會
30% 唔知道
17% 會
// 上司會用較溫和嘅態度面對高富帥嘅錯誤嗎？
女受訪上司/老闆認為自己：
86% 唔會
14% 唔知道
女受訪下屬認為上司：
68% 唔知道
21% 唔會
11% 會
// 上司會用較溫和嘅態度面對白富美嘅錯誤嗎？
男受訪上司/老闆認為自己：
55% 會
30% 唔會
15% 唔知道
男受訪下屬認為上司：
88% 會
10% 唔會
2% 唔知道
綜合受訪者意見，白富美的確喺職場有較多嘅優勢，而高富帥則與普通同事相約。雖然上司和老闆都表明唔會因為白富美嘅優勢而給予額外薪酬，但無論上司、老闆定下屬，都會對白富美下屬較為偏愛，責罵嘅方式相對溫和。
打工仔心目中白富美,高富帥
// 你對高富帥有咩諗法？
女受訪同事認為
40% 同佢地做朋友都唔錯，感覺咩都識
35% 人生勝利組，遲早肯定好高級
18% 同一般同事冇分別
7% 屋企咁有錢唔愁冇工做，未必留得耐
女受訪上司/老闆認為
38% 有問題會問吓佢哋先，可能會答到我
26% 同普通下屬冇分別
22% 會努力培養佢哋，因為佢哋更容易為公司帶嚟更多利益
14% 會特別留意佢哋，怕佢哋隨時離職
// 你對白富美有咩諗法？
男受訪同事認為
46% 好想同佢哋做朋友，可能有機會有着數
30% 同一般同事冇分別
12% 唔會隨便接近，白富美多數有公主病
12% 好羨慕佢哋又有錢又好睇，人生起碼可以奮鬥少幾年
男受訪上司/老闆認為
32% 會努力培養佢哋，因為佢哋更容易為公司帶嚟更多利益
30% 有佢哋喺度公司都開心啲
28% 語氣會減輕少少，整喊佢哋肯定樹敵
10% 同普通下屬冇分別
做白富美,高富帥有好有壞
好多人都會羨慕高富帥，白富美，成為佢哋就可以獲得額外利益。但其實佢哋當中受到嘅苦，冇咩人嘗試去了解過。或者你睇完以下分享，會認為做自己更好！
① 工作能力被「刻板印象」
刻板印象經常控制高富帥，白富美嘅真實能力。「唔休做」、「冇內涵」、「得個樣」，呢啲字眼好容易加到佢哋身上。即是付出好多努力，可能都會因為本身條件過好而備受歧視。
② 容易成為話題
相信有部份打工仔唔鍾意成為公司嘅焦點，好似錯事咁，一犯錯就好容易傳到周圍都係，錯誤不斷放大。高富帥，白富美就係好例子，容易成為公司焦點嘅佢哋，做每一件事都好容易成為同事嘅討論話題。
③ 自身條件同能力掛勾
外貌、身材、家底，一旦畀其他人視為你工作能力條件嘅一部分，明明係好嘅自身條件都會變成你嘅工作絆腳石。所以我哋呢度都希望各位打工仔放低任何偏見，請你記住：「自身條件係優勢，活得精彩係本事」！
結語
每一件事都係有正面同反面嘅，事實上，高富帥同白富美嘅人生好似有好多捷徑同特權，但事實又係咪咁？好睇又有吸引力嘅外貌可能會影響其他人對真實性格嘅睇法。而好多人亦因為有錢而覺得所有嘢都係理所當然，唔會對自己所擁有嘅嘢感到滿足。我哋知道唔係每一個高富帥，白富美都會咁諗，但都希望大家記住，如果金錢同外貌就可以買到幸福，咁荷里活一定係地球上最幸福嘅地方，你話係咪？希望大家中意今期嘅分享啦。
返回 