《桃花開》緣起緣滅不由人 | 11月23號哈囉好工週刊

職場「桃花」你點揀？

你會嘗試同職場遇到嘅「桃花」發展嗎？
55% 睇情況同感覺
22% 唔知道，冇諗過
12% 會
11% 唔會

如果你而家嘅上司追你，你會接受嗎？
49% 睇情況
31% 唔會接受
12% 唔知道，冇諗過
8%   會接受

你會拒絕上司嘅原因係：
41% 唔成為同事話柄
27% 我唔鐘意辦公室戀情
22% 我已經有另一半
10% 對上司冇興趣

你會接受上司嘅原因係：
31% 另一半職位比我高令我有安全感
23% 有人罩，工作方便
18% 可以更容易升職加薪
15% 上司有錢，滿足到我生活
13% 有面子，其他同事都會敬我三分

職場「桃花」點樣嚟 ？

你覺得職場「桃花」旺盛嘅因由係：
47% 工作能力強，接近佢可以喺工作上得利
42%  性格好，隨和，受人歡喜
32%  擅長搞曖昧，異性難以抵擋
21%  長相好
16%  身材好

你覺得職場「桃花」旺盛有咩好處？
1、遇到困難嗰陣有人幫手
2、有人請食飯同送禮物
3、更容易加薪同升遷
4、伴侶會更加緊在意我
5、選擇伴侶時多個選擇

對於自己嘅桃花運

你會希望你嘅職場「桃花」旺盛嗎？
57% 希望
41% 唔知道，冇諗過
2%   唔希望

你會羨慕人哋「桃花」旺盛嗎？
43% 唔會
40% 會
17% 唔知道，冇諗過

你覺得「桃花」旺盛會唔會影響到工作？
57% 會
23% 唔會
20% 唔知道，冇諗過

差唔多60%嘅受訪打工仔都希望自己「桃花」旺盛，但其實正如受訪者咁諗，「桃花」的確會影響到工作，適當處理可以為自已帶嚟好處，反之亦然。緊記要小心處理好任何職場關係。當你認為自己處理得宜嘅時候，亦不妨睇吓我哋同其他打工仔有咩增強桃花運嘅建議。

打工仔心目中增強桃花運嘅方法

1、注重儀容，返工精心打扮
2、多啲同同事傾計，增進感情
3、真誠對待同事，多幫助同事
4、間唔中送下禮物/小心意
5、事業做得好，桃花自然嚟
6、擺/戴各種增「桃花運」嘅水晶

注重儀容，多啲同同事交流可以增加你同同事嘅感情。但如果自問桃花運真係唔旺，可以先嘗試改善下自己嘅人緣，改善一下自己喺同事心目中嘅印象，希望睇過以下嘅分享可以對你有幫助。

改 善 人 緣 有 辦 法

1、保持禮貌，經常微笑
職場禮貌溝通，係好多人都會明白嘅事，但持之以恆做到嘅人唔多。無論係熟落咗嘅同事，定係你嘅競爭對手，你都應該保持你應有嘅禮貌，經常微笑，令同事感受到你嘅親和力。

2、小心無意中嘅傷害
食飯時候同事傾偈少不免講唔同種類嘅話題。開話題前先諗清楚，避免開一啲話題觸碰任何同事嘅傷疤。如果唔係當你傾得興高采烈嘅時候，同事已經慢慢咁對你積怨。

3、管理情緒，內外兼備
「對外」妥善處理人際關係，「對內」都要將情緒管理好， 即使工作上遇到任何唔順意嘅事，都要控制好你嘅情緒。唔好將你嘅負面情緒傳染畀同事，影響工作環境士氣，令呢件唔順意嘅事影響力擴大。

4、退一步海闊天空
公司入邊我哋好難同每一個人都保持良好關係。但切記工作還工作，唔好嘗試還擊，職場入邊冇永遠嘅敵人，嘗試用更好嘅方式去改善呢段關係。真係接受唔到嘅話，嘗試遠離減少磨擦機會。

結語
或者好多人會認為能夠「桃花開」係非常幸運，可以得到好多人嘅注意。但其實生命當中，我哋只需要一朵真桃花，而唔係好多假桃花。過多嘅桃花只會帶嚟麻煩，難以控制，浪費好多寶貴時間喺無謂嘅地方。希望大家會鍾意今期嘅分享。