新聞內容 
《上得山多終遇虎》多行不義必自斃︱2月18號哈囉好工週刊火熱登場
- 2019-02-18
- https://mp.weixin.qq.com/s/YaLCyUy-YvH7ZqoEiAUKBQ
上得山多終遇虎_多行不義必自斃
導讀：做人須謹言慎行，適可而止。如果一個人鋌而走險，一而再三破壞政策，只會獲得「遇虎」的下場。今期《哈囉好工週刊》將分享打工仔不斷「走精面」而最終被發現的故事。如果你亦目睹類似事件想要分享，歡迎投稿至info@mss-recruitment.com。打工啫，唔洗搵命搏嘅。
化名：清純男
行業：建築及工程
性別：男性
職位：中層管理者
年齡：35 – 44歲
有個經理秘書成日同同事講經理壞話，正因為佢知道經理幾時會返嚟，所以經理一直都唔知個秘書講佢壞話同爆佢行程畀其他同事知。咁有一日佢又喺辦公室大講經理壞話啦，又話經理遲啲去日本，咁大家見到經理企係佢後面大家都係咁單晒眼叫佢唔好講，點知佢一直係咁講，直到經理話秘書你入嚟講畀我聽。完。
你認為員工應該遵守公司規定嗎？
如果係啲無傷大雅嘅規定就可以，但如果係關於公司章程就跟足啲好。
如果同事破壞公司規定，你會向上級報告嗎？
聽到扮唔知囉，唔會報寸嘅，因為人哋有言論自由嘅。
化名：柑香茶
行業：餐飲
性別：女性
職位：基層職員
年齡：25 – 34歲
主管成日好照顧啲後生女員工，越後生照顧得越好，搞到啲女員工都以為佢係好人，但一做耐咗主管就會開始對佢哋摸手摸腳同口花花。有日公司調咗個女經理過嚟，嗰日主管咁啱放假。之後主管一返嚟就見到女經理喺度，以為佢係新入職嘅女員工啦，加上經理佢幾靚，咁佢就對經理摸手摸腳同口花花，然後主管就畀經理炒咗。
你認為員工應該遵守公司規定嗎？
我自己一定會，但都希望大家都按規則辦事囉，冇規則大家都會亂。
如果同事破壞公司規定，你會向上級報告嗎？
如果係去到性搔擾嗰種我會講畀老闆知。
化名：包青天
行業：批發及零售
職位：基層職員
性別：男性
年齡：25 – 34歲
我哋做零售嘅一定會有好多貨品嘅sample，但有幾個女同事就係咁偷公司啲sample，搞到我哋嘅sample成日唔夠用。有一日經理嚟巡吓點解我哋嘅sample去得咁快，就喺嗰陣有個女同事個袋唔小心跌咗落地下，佢又冇拉拉鏈喎，就咁成袋sample跌咗出嚟，經理就知咩事啦。
你認為員工應該遵守公司規定嗎？
一般規矩都會跟足晒，其實佢哋搞到咁仲衰，而家搞到其他同事都受罪，規矩更加嚴厲。
如果同事破壞公司規定，你會向上級報告嗎？
同佢講下唔好咁做先，個個都拎啲咁仲邊有sample派畀啲客，但就唔會同老闆講嘅，始終同事每日都要見。
0
化名：Nod32
行業：批發及零售
職位：基層職員
性別：男性
年齡：18 – 24歲
有個同事好鐘意話自己好忙，話成日要Call 客追單，咁其實大家都知佢並唔係咁忙，佢一返工就拎起枱頭電話，然後就開始打機，搞到轉唔到線畀佢。老闆有時問佢係咪好忙，佢就話追緊幾個大客續約。然後有一日個客打嚟投訴話搵唔到個同事傾續約，咁啱老闆聽到話有人投訴，然後老闆行過去佢個位就見到佢枱頭電話拎起咗，後尾老闆問同事佢係咪成日都係咁，確定咗之後就炒左佢啦。
你認為員工應該遵守公司規定嗎？
唔影響到公司利益其實少少違規都無咩事嘅，但唔好冇做扮有做囉。
如果同事破壞公司規定，你會向上級報告嗎？
唔講，呢啲嘢等老闆自己發現啦。
化名：權強
行業：娛樂博彩
職位：基層職員
性別：男性
年齡：35 – 44歲
有一個空降經理以為自己好巴閉，佢有咩 project 都叫人做，就算本來係佢要做嘅嘢佢都交畀人做。咁都算啦，咁有一次老闆話佢份project做得唔錯，當眾表揚佢，然後經理就叫本來做嗰份project嘅同事做多幾份出嚟，咁幫佢嗰個同事又要做自己嘢又要幫佢做project喎，頂唔順就同老闆報寸。老闆就落嚟問經理啲project邊個有份幫佢做，全場都舉手話都有幫佢做過。
你認為員工應該遵守公司規定嗎？
公司出糧畀你當然係要按章辦事啦，唔係請你返嚟打機休息囉。
如果同事破壞公司規定，你會向上級報告嗎？
會，因為持續咁幫佢都唔係辦法，大家遲早都頂唔順。
化名：小路寶
行業：資訊科技
職位：基層職員
性別：男性
年齡：25 – 34歲
因為我哋公司唔洗打卡，老闆平時中午先會出現。咁有一個同事就成日都會遲到，11點先返到但就話去咗同客開會，佢冇諗過我哋基本都知佢唔係真係同客開會，佢嗰個位邊會日日同客開會呀，但都由佢啦。咁有一日佢都係照常11點先返，但老闆10點就返咗嚟，佢一返嚟就話今日個客好難搞，開咗兩個鐘會先返嚟，然後老闆就當住咁多人面前問佢見咩客，點解我唔知。
你認為員工應該遵守公司規定嗎？
遵守啦，因為公司有出糧畀你，但你每日返少兩個鐘，即係偷公司錢啫。
如果同事破壞公司規定，你會向上級報告嗎？
唔會，費事佢真係見客然後我報錯風。
化名：唔卸膞王
行業：行政/辦公室助理
職位：基層職員
性別：男性
年齡：25 – 34歲
有一個空降經理以為自己好巴閉，佢有咩 project 都叫人做，就算本來係佢要做嘅嘢佢都交畀人做。咁都算啦，咁有一次老闆話佢份project做得唔錯，當眾表揚佢，然後經理就叫本來做嗰份project嘅同事做多幾份出嚟，咁幫佢嗰個同事又要做自己嘢又要幫佢做project喎，頂唔順就同老闆報寸。老闆就落嚟問經理啲project邊個有份幫佢做，全場都舉手話都有幫佢做過。
你認為員工應該遵守公司規定嗎？
公司出糧畀你當然係要按章辦事啦，唔係請你返嚟打機休息囉。
如果同事破壞公司規定，你會向上級報告嗎？
會，因為持續咁幫佢都唔係辦法，大家遲早都頂唔順。
化名：FD子
行業：娛樂博彩
性別：男性
職位：基層職員
年齡：35 – 44歲
公司有個同事成日偷飲老闆啲咖啡，但由於冇人講畀老闆知就當然安然無恙啦。有日老闆就覺得佢啲咖啡去得好快，就叫admin買兩罐返嚟，點知同事叫財務畀錢佢話佢幫老闆買咖啡，佢買咗三罐返嚟，畀兩罐老闆，然後自己拎一罐，點知老闆去財務部問啲嘢就睇到張單，先知原來佢係啲咁嘅人。
你認為員工應該遵守公司規定嗎？
遵守規矩做嘢吧，因為可能你隨時畀人捉到。
如果同事破壞公司規定，你會向上級報告嗎？
唔出聲，因為費事一杯咖啡搞到人哋無咗份工。
化名：May May
行業：批發及零售
性別：女性
職位：基層職員
年齡：35 – 44歲
我喺一間時裝店度做，咁一般只要啲衫未剪牌係七日內退貨嘅。咁有個女同事就成日買公司嘅衫出去著，著完就退返嚟，但公司規定員工係唔可以咁做，因為員工買嘢已經有折，但係佢有人包庇咁我當然唔出聲啦。咁有一次佢買咗件衫著出去，但退返嚟嗰陣成件衫都係燒烤味，公司規定咁樣係唔可以退，咁啱撞正嗰日老闆落嚟巡舖，發現咗佢成日買衫返去著七日就退返嚟，就炒咗佢啦。
你認為員工應該遵守公司規定嗎？
按規矩辦事吧，規矩整出嚟就係要遵守嘅。
如果同事破壞公司規定，你會向上級報告嗎？
唔出聲吧，等老闆自己發現，遲早有一日佢會穿煲。
0
到底人為什麼要破壞政策？
1、公司政策經常改動；
2、管得太嚴，不該管的也規管；
3、管理層並不會關心我們遵不遵守政策；
4、政策只適合於大部份同事，沒有為少部份員工進行適當調整；
5、政策本身有漏洞；
6、政策不合理，且不與員工溝通協商；
7、工作內容一樣的同事，政策待遇卻不同；
8、上級帶頭破壞自己所定立的政策；
9、整個部門或公司都沒有人遵守政策；
10、不遵守公司政策也不會產生任何後果；
11、遵守政策會浪費很多時間；
12、遵守政策會影響我的提成/金錢；
13、管理層不擔心我們的安全政策，沒有理由為公司賣命。
0
政策其實是公司的靈魂所在！
1、它幫助員工了解公司的績效指標以及對他們的期望；
2、它為員工日常工作制定了規則和指導方針，以至員工不需要
3、它幫助整個公司採取一致和明確的行動和回應，以便與員工互動；
4、它能讓員工受到公平和平等的對待；
5、它為你提供投訴機制，給你可接受的方法來處理投訴和誤解，以免出現任何偏袒；
6、它為決策和授權設定了框架；
7、它提供了向新員工傳達信息的方法；
8、它為員工提供保護，例如個人權利，安全守則等。
結語
很多人都會心存僥倖，認為第一次不被發現，下一次也就不會。假如僥倖心理成為你的習慣，漸漸地你就會形成賭仔心態。因為全世界只有自己沒看清自己的真實樣貌，所以被發現後的落差就會更大。如果工作上遇到困難，不妨多請教同事。不可一，不可再，向僥倖說不。
返回 