秘撈係全球大趨勢？！

澳門地物價騰貴，樣樣價格不斷加，但係人工就等到發毛都無得加。所以一兩份副業旁身絕對唔少得。
話說美國求職網站CareerBuilder最近有項調查，於超過3200位受訪打工仔中，有29%表示自己有「秘撈」；當中，25至40歲嘅「秘撈」比例更高達44%，差唔多兩個人，就有一個有嘢撈…
其實，對全世界的扮工友來講，一份糧邊夠用，「秘撈」務必成職場新趨勢。若你都想搵返份，可以參考調查結果嘅熱門「秘撈」工種，包括調查統計員、自由寫作人、網絡博客、調酒師、攝影師、網頁設計師、補習導師、神秘顧客及紋身師等，主要都係一啲時間非常彈性的工作。

不過做老闆嘅，當然唔希望員工「秘撈」，怕佢地工作會分心，一心不能侍二主。但CareerBuilder人力資源總監Rosemary Haefner就話，公司有秘撈員工，唔一定係壞事。
反而，員工如果可以喺唔影響自身工作嘅情況下「秘撈」，可以提升技能經驗、豐富創造力，還有幫助發掘真正興趣同專長，真係好處多多呢！
來源：CareerBuilder