你係好拍檔定豬隊友？

扮工最怕遇到豬隊友，自己已經忙到嘔，仲要抽時間幫佢善後，激氣又影響健康。

喺雞年，唔想做豬隊友「陀衰家」，就要記住以下呢啲好隊友特質⋯

1. 清楚了解團隊目標同自己係當中嘅角色，唔會盲目聽人支笛

2. 以團隊整體利益為重，唔會亂搶人功勞或亂指摘隊友不是

3. 講咗會做就一定交貨，唔會突然「潛水」無咗影

4. 無論好消息定壞消息，唔會刻意隱瞞，仲識揀個啱嘅時間講畀隊友知

5. 明白團隊就要互補不足，唔會全部嘢旨意晒「阿頭」，亦唔會花精力係背後數人不是

6. 會自動Set界線，對做唔嚟嘅事，識得果斷說不，唔會懶叻之後，最後卻要人執手尾

7. 有爭拗會當面解決，大家一五一十拆掂佢

8. 識得用欣賞眼光睇同事嘅能力，而唔係嘥時間諗小動作整誇對方

睇完上述8項，係咪充滿正能量？小編覺得，如果有人做到晒，簡直可以拎諾貝爾和平獎。