新聞內容 
《不打不相識》︱11月25號哈囉好工週刊
- 2019-11-27
2019.11.25• 周一
職場上你試過與同事起爭執嗎？
15% 沒有
15% 下屬
2% 老闆
③ 被逼食同事死貓
當發生爭執時你會選擇如何處理？
30% 如果是自己錯，會主動道歉
11% 找別的同事協助，緩和關係
10% 甚麼都不做，自然就會和好
9% 甚麼都不管，管他/她高不高興
5% 表面裝沒事，但心裡很有事，等候機會報仇
3% 找上司/老闆去評理定斷
化名：公司最美的風景就是我
年齡：25 – 34歲
之前我真係覺得隔離市場部門嗰個男同事超級乞人憎！每日催我交稿，明明未到deadline，都可以好似催命符咁每半個鐘叫我交稿畀佢。設計其實唔係淨係喺度畫，要有靈感，要排版㗎大佬！當我係千手觀音咩！因為咁我都唔妥佢，佢煩多一兩次，基本上我講嘢都會帶骨，趁機潤佢幾句。老實講，其實都幾尷尬，啲同事一見到我哋兩個同場都好驚。雖然講到咁，其實我都工作還工作，就算佢喺度煩，我都有喺佢要求嘅時間內交畀佢，唔夠時間我都自己主動OT。直到有一次唔知佢係返嚟攞嘢定乜，見到我仲喺度做緊，買咗個我平時鍾意食嘅魚生飯畀我，我記得我係嗰一刻開始對佢改觀，其實諗返起都幾好，如果佢唔催我，可能我都會Hea住做，最後趕唔切。就係嗰日開始我哋越嚟越friend，而家仲做埋我男朋友，命運！
年齡：25 – 34歲
諗翻起之前畢業啱啱入嚟呢間公司嘅自己真係好幼稚。嗰陣嘅我以為自己啱啱做嘢唔夠機心，唔識擦鞋，所以搞到有啲同事唔妥我，而自己對嗰啲同事自然都唔好。好死唔死當中入邊最唔鍾意嗰位同事，經理竟然叫我哋一齊跟一份報告，真係晴天霹靂！我哋呢份嘢可以講係做得勁差，兩個點溝通都覺得唔夾，所有嘢都協調唔到，進度嚴重落後。直到差唔多到限期，我覺得唔對路就坦白同同事講出嚟，問佢做乜針對我，咁唔鍾意我。佢就話佢唔係針對我，因為佢之前有同呢個客合作過，知道佢想要啲咩，如果按我嘅諗法做去，只會畀人彈返轉頭，咁我就試下按佢嘅想去做，點知真係一次過搞掂，諗返嚟都係自己一直小人之心，人哋都係想做好份嘢啫，而我哋嘅關係都因為呢件事破冰。
年齡：25 – 34歲
公司有個人業績好好嘅，但係佢真係同啲同事好唔夾，好高傲，畀人嘅感覺係佢有業績就大曬！我係公司嘅薯仔，對佢真係幾好奇嘅，點解可以真係可以咁明目張膽，目中無人咁周圍得罪啲人。咁我見到冇人願意做佢下線，就諗住學下嘢，就主動申請成為佢下線。起初佢覺得我唔夠班做佢下線，覺得我太低級，但係相處耐咗，我發覺佢都開始認同我嘅能力。而我都了解到佢有業績好嘅原因，佢有好好嘅銷售技巧，不得不佩服！當然我自己都唔執輸，偷師，自己都揾到唔少業績。而且透過慢慢同佢熟絡，我都教返佢同同事相處之道，大家互相學習囉！
性別：男性
年齡：25 – 34歲
之前前女朋友畀綠帽我戴，咁我知道之後當然即刻同佢分咗手，咁其實係街度都知佢出軌嘅對象係邊個。咁我最近轉咗新工，點知澳門真係咁細，我前女朋友嘅現任男友係同事，嗰一刻我真係想死！好想轉工！澳門有冇真係細成咁！大家喺公司經常撞到，成日有合作，每次見到佢都有想打佢嘅衝動。直到有一次大家跨部門一齊食飯，佢專登坐我旁邊，同我傾咗陣計。先有機會畀我了解到佢嘅人，其實當時佢都唔知前女朋友仲有我，佢份人其實一啲都唔差，錯嘅只係女方。嗰一日放工我哋仲出咗去飲酒，坦蕩蕩咁傾晒之前啲問題，佢仲飛埋我前女朋友，爽到冇朋友！而家佢係我全公司最好傾嘅同事，仲friend過同自己本身部門啲人。
年齡：35 – 44歲
職場咩人最討厭，一定係迫人哋陪佢加班嘅人。公司有個女魔頭，老細叫OT，佢一定係第一個企出嚟響應，搞到公司啲人想放工都唔敢，一定要同佢一齊OT，洗唔洗咁攻心計啊？擦鞋擦到咁出面又唔會升到老細個位。一向平時啲工作，佢自己一個人就可以搞掂，點知老細有次畀咗份嘅報告叫我同佢一齊做，我心諗今次我實死硬，實做到凌晨都走唔到。點知合作咗幾日，佢為咗趕工作進度，日日都早返又遲走，然後見我就嚟頂唔順就主動攬晒啲豬頭骨，仲叫我真係頂唔順嘅話就走先。然後報告做完後佢仲同老細講話我好幫得佢手，所以先咁成功，嗰刻佢嘅缺點喺我腦海消失晒，完全想錫佢一啖！哈哈！
Q
你認為在職場上起爭執會影響工作嗎？
14% 公私分明，工作上不要抱有個人情感
9% 逃避，不理會，只專注工作
3% 跟著上司的指引，上司點做我跟住點做
查閱更多《哈囉好工週刊》內容：http://weekly.hello-jobs.com/
返回 