《天馬行空》如果公司是我的︱3月11號哈囉好工週刊火熱登場

2019.3.11 • 周一

導讀：相信每個打工仔都一定聽過或自己抱怨過「公司制度點點點」等不滿目前工作環境的怨言，如果你是老闆，你又會如何改善員工苦況呢？今期《哈囉好工週刊》把打工仔和老闆角色對調，一齊來看看大家有什麼古靈精怪的想法吧！

我老細唔係路

行業：行政／辦公室助理

職位：基層職員

性別：男性

年齡：25 – 34歲

① 返工唔使打卡，返工放工時間彈性！員工限定時間內做完咪得囉！

② 公司Pantry嘢食種類大增，好嘅零食會增強員工士氣，流失率大減！

③ 病假多啲，病都冇人想嘅，真係病嘅畀人請假啦！

以上你想做的頭三件事，目前是什麼阻止了公司這樣做？

老細唔識變通囉！

又是什麼阻止你向老闆提出這個建議？

我係小薯仔，講完我會變火炙小魷魚（笑）。

珍奶愛好者

行業：廣告／傳媒

職位：基層職員

性別：女性

年齡：25 – 34歲

① 公司珍奶無限量供應。

② 增設的士補貼，你知澳門嗰啲交通㗎啦。

③ 唔好再限制公司啲網站，Designer需要有唔同嘅事物激發自己嘅設計靈魂。

以上你想做的頭三件事，目前是什麼阻止了公司這樣做？

公司老闆孤寒！

又是什麼阻止你向老闆提出這個建議？

老闆係鬼佬，而我唔識講英文。

這些機會不是…

行業：行政／辦公室助理

職位：基層職員

性別：男性

年齡：25 – 34歲

① 公司必須幫助單身男女搵佢嘅另一半，咁樣員工先唔使咁多掛慮，專心工作！

② 增設員工休息室，放部電視同按摩椅喺入邊，你知唔知男人太大壓力會甩頭髮㗎！

③ 整個細細地嘅吸煙房，喺後樓梯吸又唔得，畀啲精神食糧我哋精神吓。

以上你想做的頭三件事，目前是什麼阻止了公司這樣做？

老闆缺乏想像力，唔夠親民啊！

又是什麼阻止你向老闆提出這個建議？

冇膽囉，邊個夠膽講。

0

爛泥扶唔上壁

行業：資訊科技

職位：專業人士

性別：男性

年齡：25 – 34歲

① 喺自己座位養魚，set一個魚缸係度，間唔中望吓，洗滌心靈。

② 性感靚女秘書是必須的！

③ 睇電視就睇得多，我都想喺房打Golf！

以上你想做的頭三件事，目前是什麼阻止了公司這樣做？

公司唔夠勁，冇錢，老細唔夠勤力！

又是什麼阻止你向老闆提出這個建議？

因為我唔係老細，講咗都唔係我㗎啦，益佢做乜。

0

信我者得永生

行業：批發及零售

職位：基層職員

性別：女性

年齡：25 – 34歲

① 公司只可以請靚仔，見得多開心啲工作效率都高啲。

②夏天熱嗰陣公司男同事可以唔使着上身衫，着條短褲就OK啦。男同事啲西裝咁厚好熱㗎嘛係咪？

③ 公司多啲聚餐啦，同事大家都太獨立，個個自己做自己會自閉㗎！

以上你想做的頭三件事，目前是什麼阻止了公司這樣做？

老細一定冇睇過一篇外國研究，人睇得靚嘢多係會長命啲㗎。

又是什麼阻止你向老闆提出這個建議？

因為老細係男，同佢講完而佢又真係做，都只會係請靚女……

凍檸茶走凍

行業：批發及零售

職位：基層職員

性別：女性

年齡：25 – 34歲

① 公司必須幫助單身男女搵佢嘅另一半，咁樣員工先唔使咁多掛慮，專心工作！

② 改咗個營業時間，明明朝早幾乎冇人行，係都要人咁早返公做乜？

③ 同美容公司合作，一個星期起碼送一次免費按摩。知唔知職業性疲勞搞到好多人轉行！

以上你想做的頭三件事，目前是什麼阻止了公司這樣做？

大公司，一定有Standard，而且唔肯改嗰隻。

又是什麼阻止你向老闆提出這個建議？

講完都冇用啦，冇公司夠膽帶頭做。

0

幽默大師

行業：娛樂博彩

職位：基層職員

性別：男性

年齡：25 – 34歲

① 臨時有事可以離開，工作雖然重要，但係人生大把嘢比工作更加重要，錯過咗嬲公司一世咁樣好咩？

② 多啲餸菜揀，多啲好嘢食。員工想走都難，留實佢個胃！

③ 加啲活動器材，長期坐到腰骨都痛。

以上你想做的頭三件事，目前是什麼阻止了公司這樣做？

最大老細一定唔知，公司咁多層，去到中間一定畀人和諧。

又是什麼阻止你向老闆提出這個建議？

其實冇阻力㗎，係知啲消息冇可能會去到上邊咋嘛。

0

肥係財富嘅象徵

行業：行政／辦公室助理

職位：專業人士

性別：男性

年齡：35 – 44歲

① 員工生日送啲禮物或者蛋糕畀同事。公司聲譽好，請人都易啲。

② 加啲煮食用具。出邊啲嘢食咁貴，加啲爐具，同事唔使自己成日帶隔夜飯返嚟叮。

③ 老闆定期請同事食飯。其實咁樣都係了解同事嘅一種方法，我諗老闆甚至有啲同事個名都唔知。

以上你想做的頭三件事，目前是什麼阻止了公司這樣做？

公司氣氛太恐怖，逼到員工唔敢講。

又是什麼阻止你向老闆提出這個建議？

老闆長期唔出現，一出現就只會喺會議室。

婚紗小天使

行業：餐飲

職位：基層職員

性別：女性

年齡：25 – 34歲

① 定期請同事旅行啦，吊頸都要抖氣，同事熟啲辦事效率都高啲！

② 放啲board game喺公司，畀個腦輕鬆啲。

③ 女同事有M假，男同事有陪女朋友M假。

以上你想做的頭三件事，目前是什麼阻止了公司這樣做？

因為老闆忙囉，佢唔會聽我哋呢啲小職員嘅聲音。

又是什麼阻止你向老闆提出這個建議？

有鬼用咩，一年都見唔到老闆2次，次次過嚟睇吓就算，好多時同主管講佢又唔反映上去。

0

人賤天不欺

行業：建築及工程

職位：基層職員

性別：男性

年齡：25 – 34歲

① 世界盃／奧運會員工彈性時間返工，職員第二日冇精神返工不如唔好返，係咪？

② 允許同事之間講粗口，粗口其實只係輔助性質，唔使有咩避忌同咁大壓力。

③ 定期請員工去夜總會，洗脫身體同心靈上嘅疲倦。

以上你想做的頭三件事，目前是什麼阻止了公司這樣做？

老細做事懶有原則，公司超級多無理規條，仲唔會隨便更改規條。

又是什麼阻止你向老闆提出這個建議？

佢唔話我哋已經好好。

0

渡船街安祖蓮娜祖莉

行業：人力資源

職位：基層職員

性別：女性

年齡：25 – 34歲

① 公司增設浴室同埋儲物櫃，為員工着想咋，落雨濕晒冇衫換唔沖涼好易病。

② 如果幫到公司慳到錢嘅話，可以加落自己人工度。

③ 心情唔好嘅時候，可以帶面具做嘢。

以上你想做的頭三件事，目前是什麼阻止了公司這樣做？

公司只為咗賺錢，唔會理我哋，唔滿意你就走。

又是什麼阻止你向老闆提出這個建議？

唔好話福利，講完我驚連份工都冇。

結語

    每個人在一份工裏想要的東西都不一樣，因此「如果公司是我的」才會有這些天花龍鳳的幻想。分享打工仔心聲是這本搵工雜誌的宗旨，因為大家都知道，很多時工作上有怨氣都不能申訴，只能默默忍受。所以，如果你現正工作的公司會接納員工意見，是你理想中的工作環境，恭喜你，請珍惜。如果你現在的工作不是你想要的樣子，沒關係，找我們！

查閱更多《哈囉好工週刊》內容：http://weekly.hello-jobs.com/